Новости

Со пригодна манифестација се означи крајот на НАССР информативната и едукативна кампања “Здрава храна и точка!”, во организација на Управата за ветеринарство, Министерство за земјоделство, шумарство и водостопанство наменета за сите оператори со храна од животинско потекло, особено за оние кои сеуште немаат имплементирано НАССР систем во своите компании или се во процес на имплементација.

Министерот за земјоделство, шумарство и водостопанство Љупчо Димовски денеска одржа состанок со членови на Сојузот на здруженија „Обединети агропроизводители“ од Ресен.

На состанокот беше разговарано за повеќе прашања поврзани со производство и пласманот на јаболката како доминантна култура во преспанскиот регион.

Министерот Димовски ги информира производителите на јаболко дека е во постојан контакт преку македонските амбасади со заинтересирани комапнии за пласман и преработка на ресенското јаболко. Воедно посочи и дека идната година ќе биде разгледано нивното барање да се субвенционира производството на јаболка со по четири денари за килограм, но со можност поддршката да им се даде по површина, наместо по произведено количество.

Министерството за земјоделство, шумарство и водостопанство денеска изврши промоција на 12 проекти од областа на органското производство кои се реализираа во 2008 година со финансиска поддршка од Министерството. За нив од буџетот се издвоени околу четири милиони денари.

Министерот за земјоделство, шумарство и водостопанство Љупчо Димовски на отворањето на јавната расправа по ,,Нацрт стратегијата за лозарство и винарство,,истакна дека лозарството е најважна стратешка индустрија во Република Македонија од областа на растителното производство и заедно со производството на вино во земјоделскиот бруто домашен производ учествува со 17 до 20 отсто. Виното е македонскиот лидер во извозот на пијалоци, а веднаш по тутунот, вредносно најважен производ кој го пласираме на странските пазари.

На почетокот на состанокот на Агросоветот министерот за земјоделство, шумарство и водостопанство Љупчо Димовски истакна дека ИПАРД Програмата на Република Македонија за користење на средствата од ИПАРД фондовите е еден од основните документи за планирање на мерките за развој на земјоделството и руралниот развој целосно усогласени со мерките од заедничката земјоделска политиката на Европската Унија. ИПАРД Програмата се реализира преку сет на комплементарни мерки за надминување на недостатоците и искористување на можностите и потенцијалот на македонското земјоделство и традицијата на македонското село, а особено преку помош за постепено воведување на стандардите на Европската Унија во агро-бизнис секторот и зголемување на безбедноста на храна за домашните потрошувачи.