Новости

Почитувањето на стандадрите за безбедност на храната е основен предуслов за подобрување на конкурентноста на земјоделскиот сектор, но и можност за полесен пласман на нашите производи на европскиот пазар. Ова е еден од заклучоците  на  учесниците на Регионалниот министерски форум на тема „Зголемување на конкурентноста на земјоделството за полесен настап на пазарот на ЕУ“, што се одржа  во Скопје во рамки на годинашната саемска манифестација Агрофуд.

Министерот за земјоделство, шумарство и водостопанство Љупчо Димовски, на денешниот прв ИПАРД форум што се одржа на Скопскиот саем истакна дека со ИПАРД фондовите ќе се подобри квалитетот и ќе се зголеми пазарната вредност на земјоделските производи. Сега, додаде тој, повеќе од 50 отсто од вкупниот годишен извоз на земјоделски производи од Република Македонија се реализира на пазарите на Европската унија. Со стандардизирање на производството, повеќе од сигурно е дека оваа бројка можеме да ја зголемиме. Од овие причини, констатира министерот Димовски, со ИПАРД фондовите ќе се подобри квалитетот и ќе се зголеми пазарната вредност на земјоделските производи, а со тоа и нивниот извоз.

Министерот за земјоделство, шумарство и водостопанство Љупчо Димовски  ја посети фармата за органско производство што е дел од органската винарска визба „Грков“ кај Кавадарци.

Фармата располага со 140 кози, раса „алпина“, од чие млеко се проиведуваат седум типови органско сирење, со сертифицирани површини за органско градинарско производство и овоштарство, со 11 хектари сопствени лозови насади за производство на органско грозје, а има и ресторан со сала за дегустација, за организиран пречек на туристи.

Министерот Љупчо Димовски, имаше можност да ги дегустира првите органски произведени вина во Македонија.

Министерството за земјоделство, шумарство и водостопанство,  од Охрид ја започна теренската промотивна кампања „ИПАРД - европски можности за македонското земјоделство“. Агендата предвидува одржување инфо денови - трибини, тркалезни маси,  форуми, советувања и медиумски презентации низ целата држава. Според Маргарита Делева, раководител на Телото за Уравување со ИПАРД и државен советник за рурален развој во Министерството за земјоделство, шумарство и водостопанство. Промоции за ИПАРД ќе се одржат и во Гевгелија, Кичево, Ресен, Куманово, Тетово, Битола, Прилеп, Кавадарци, Велес и во другите поголеми градови во земјава.

Додаток за превземање: 

Леток - Мерка 101: Инвестирање во земјоделските стопанства со цел да се преструктуираат и надградат на нивото на стандардите на Заедницата

Додаток за превземање: 

Леток - Мерка 103: Инвестиции во обработка и рекламирање на земјоделски производи за да се преструктуираат и да се надградат до стандардите на Заедницата

Додаток за превземање: 

Леток - Мерка 302: Диверзификација и развој на рурални економски активности

Додаток за превземање: 

Соопштение за јавноста за можностите кои ги нудат ИПАРД фондовите за Република Македонија

Додаток за превземање: 

ИПАРД програма 2007 - 2013

Заменик-министерот за земјоделство, шумарство и водостопанство Перица Иваноски престојува во дводневна посета на Холандија. Во текот на престојот, заменик-министреот  ќе го посети и светски познатиот саем за хорти и флорикултура „Хортифер“.

Иваноски се сретна со претставници од холандскиот бизнис сектор, вклучувајќи ги Холандски паркови и зеленило, Флорахоланд, Бејо заден и Енза заден. Заменик- министерот оствари средба и со претставници од холандските институции за стручно образование „ПТЦ +“ и „Ларенштајн“ кои се заинтересирани да го поддржат развојот на стручното образование во областа на земјоделството во Македонија преку  одржување на модерни практични обуки во областа на одгледување растенија и животни како и за технологии во земјоделството и во хортикултурата.