Соопштенија

Како што најави денеска ресорниот министер Михаил Цветков, по посета на риболовниот пункт на концесионерот на Охридското Езеро „Пастрмка 2012“ ќе бидат разгледани риболовните основи за зачувување и зголемување на рибниот фонд во езерата.

- Постојано слушаме дека охридската пастрмка, која е бренд за Македонија ја нема како порано. Со концесионерот разговаравме како да ја вратиме повторно во Охридското Езеро, што можеме ние како држава и Министерство да помогнеме и да направиме, изјави Цветков.

На средбата со претставник на концесионерот „Пастрмка 2012“, министерот беше информиран и за начинот на работа како и проблемите со кои се соочува.Дозволените количества за улов, смета концесионерот, не се реалнии не соодветствуваат со фактичката состојба на риба во Охридското Езеро.

Во насока на подобрување на состојбите ресорниот министер Цветков најави средба со сите концесионери и релевантни институции.

Владата и министерството за земјоделство ќе направат максимални напори за да се најде оптимално решение за проблемите  со кои во моментов се соочуваат и лозарите и винарските визби истакна министерот Цветков на средбата со нивните претставници.

Министерот Цветков од страна на лозарите беше информиран дека родот е преполовен и дека ќе бидат потребни сончеви денови за да се санира состојбата и да се подобри квалитетот на грозјето. Количествата што останаа можеби ќе бидат со врвен квалитет, а тоа ќе го покаже бербата. Сортата „Вранец“ според нив ќе биде дефицитарна, позастапени ќе бидат белите сорти, но и кај нив има оштетувања. Остануваме на ставот посочија од здружението на лозари „Агротиквешија“ дека за откупната цената мора да се бара соодветно решение особено што годинава трошоците беа енормни, дури три пати поголеми од лани.

Производителите бараат цените да се зголемат за два денара, а визбите да се задржат минатогодишните.

Според последните обработени податоци од подрачните единици на министерството за земјоделство до 31.07.2014, oжнеани се околу 82.210 хектари или 87 % од жетвените површини.

Остварениот просечен принос достигнува до 3,5 т/ха и доколку се задржи овој просечен принос, се очекува производство од 330.000 тони што претставува зголемување за околу 20% или 53.000 тони во споредба со минатата година.

До почетокот на август, откупени се околу 75.000 тони пченица или 66 % од вкупните лански количества. Ова претставува зголемување за околу 6% во споредба со истиот период минатата година, кога биле откупени 70.000 тони.

Според земјоделскиот информативен систем на министерството за земјоделство и доставените податоци од откупувачите на пченица,просечна  откупна цена на меркантилната пченица од  реколтата за  2014 година за месец јули изнесува 10,74 денари за килограм.

Лани беа ожнеани 93.646 ха од кои е остварено производство од 280.929 тони со просечен принос од околу 3 т/ха.

Министерството за земјоделство, шумарство и водостопанство годинава ќе инвестира околу 9 милиони евра во капитални објекти во областа на водостопанството и во системите за наводнување и одводнување. Продолжува  чистењето на примарната каналска мрежа,а се планираат и законски измени кои ќе овозможат подобро управување со системите.

Поради неповолните климатски услови годинава родот на грозјето ќе биде преполовен и очекуваме откупните цени да бидат поголеми од лани, истакнаа претставниците на здружението „ Агротиквешија“ на средбата со министерот за земјоделство,шумарство и водостопанство Михаил Цветков.

Поради високите трошоци за заштита на насадите и помалиот род цена од 13 денари за килограм за смедеревката и 15 за вранецот  би била реална сметаат лозарите.

Министерот Цветков посочи дека и оваа година во рамките на своите надлежности министерството ќе се вклучува во подршката на овој сектор и во отстранувањето на сите можни тешкоти со кои се соочуваат лозарите и винариите.Законот за винарство ќе мора да се почитува, односно винариите доколку сакаат да се вклучат во откупот несмеат да имаат долгови кон лозарите.

Винарарските визби должници веќе го намалуваат долгот што дава оптимистички проценки дека стартот на откупот треба да биде на задоволство на двете страни.