Со вкупно 20 милиони денари министерството за земјоделство,шумарство и водостопанство годинава ја поддржува заштитата на називите на земјоделските производи. Целта е домашните субјетки да се ориентираат кон заштитата на производството што освен поголема цена, значи и сигурен пласман не само на македонскиот, туку и на надворешните пазари.

Ова беше истакнато на денешната работилница во Министерсвото за земјоделство, шумарство и водостопанство.

Продолжија работните средби  на министерот Љупчо Димовски со производителите на јаболка од Преспа. По денешната средба, овоштарите  изразија задоволство од решенијата кои што беа понудени од страна на ресорното Министерство за земјоделство за  решавање на проблемот со пласманот со јаболкото, односно со измената на Програмата за субвенционирање за годинава. Во неа, како што и беше побарано од страна на земјоделците зголемен е износот на поддршката за оваа категорија овоштари. Со нејзината пренамена тие наместо 18, за одршување на насадите ќе добијат по 42.700 денари за хектар.

Од 3.500 до 5 илјади евра казна за правното лице и 1300 до 2 илјади евра во денарска противврденост за одговорното лице на компанијата, но и забрана за вршење на дејноста во временски период од 1 до 5 години. Ова е  казната за компаниите за кои Државниот земјоделски инспекторат (ДЗИ)  ќе констатира дека  вршат неовластена трговија со семе и саден материјал.

Две теренски возила и опрема за гасење шумски пожари, е донацијата вредна 300.000 долари што денеска ја доби македонското Министерство за земјоделство, шумарство и водостопанство од Министреството за земјоделство на Република Турција. Станува збор за пожарникарско возило - камион и теренско за брза интервенција, кои вклучуваат комплетна опремна за гаснење пожари за 20 лица. Донацијата е наменета за Министерството за земјоделство и за јавното претпријатие „Македонски шуми“, а се реализира преку Турската владина администрација за развој и соработка (ТИКА).