Соопштение

Вицепремиерот Владимир Пешевски задолжен за економски прашања и министерот за земјоделство,шумарство и водостопанство Љупчо Димовски денеска  посетија неколку винарски визби во тиквешикиот регион.

Целта на посетата е од менаџерските тимови да се информираат за моменталната состојба во винарските визби,за откупените количества на винско грозје и пласман на виното на странскиот пазар.

Во винарската визба Повардарие од Неготино и Винеа од Росоман вицепремиерот Пешевски и министерот Димовски беа информирани дека пласманот на виното на странскиот пазар има позитивен тренд и се повеќе се извезува во Чешка,Полска и во Романија.

Мерките на Владата за субвенционирање на винарските визби за стимулирање на откупот на винското грозје според винарските визби даваат ефект, не само во пласманот на виното туку и за исплата на откупеното грозје.

На средбата биле споредени и податоците на винарските визби и на Државниот инспекторат за земјоделство околу  количествата на откупено грозје и грозје останато на лозјата.Било констатирано дека количеството на необрано грозје е минимално.