Влада на Република Македонија

Министерство за земјоделство, шумарство и водостопанство

Врз основа на член 2 став (2) од Законот за изменување на Законот за продажба на земјоделското земјиште во државна сопственост („Службен весник на Република Македонија“ бр.61/15), Министерството за земјоделство, шумарство и водостопанство, ја става на

Ј а в е н У В И Д

Предлог - годишната програма за продажба на земјоделско земјиште во државна сопственост за 2015 година

I.Предмет на јавен увид

Предлог - годишната програма за продажба на земјоделско земјиште

во државна сопственост за  2015 година

Член 1

Додаток за превземање: 

javen_uvid_na_programa.pdf

До 2020 година најмалку 50 отсто од вкупната количина извезено вино да биде во шише, а вредноста да забележи пораст од најмалку 45 проценти. Ова е целта на здружението „Вина од Македонија“ кое денеска одбележува пет години работење.

Во стратегискиот план 2015 - 2020, здружението ги таргетира пазарите во Европа (Англија, Германија, Бенелукс, Данска, Русија), САД со Канада и Азија (Кина и Јапонија).

Предвидува и обезбедување поддршка за секторот, вклучувајќи развој на лозарството и винарството, за извозот преку заеднички маркетинг и промоција, градење на брендот и имиџот на македонските вина на регионалните и меѓународните пазари.

- Македонија последниве десет години направи голем исчекор, произведува вина од светска класа, но сега е потребно тоа да се продаде за што е неопходен добар маркетинг, заедничко, здружено настапување и учество на најголемите саеми, истакна министерот за земјоделство, шумарство и водостопанство Михаил Цветков кој присуствуваше на свечената седница со која беше одбележан јубилејот.

Германската компанија „Таурус фарм“ денеска почна со изградба на откупно дистрибутивен центар за овошје и зеленчук во Богданци. На поставување на камен-темелникот присуствуваше министерот за земјоделство, шумарство и водостопанство Михаил Цветков.

Цетков истакна дека Владата започна проект за инвестиции во откупно дистрибутивни центри кои треба да обезбедат полесен пласман на овошје и зеленчук преку примена на современи технологии на прием, селекција, калибрација и комори за складирање и дека поддршката се состои во обезбедување атрактивни локации и техничка поддршка во административни  процедури.

- Министерството за земјоделство, шумарство и водостопанство понуди 27  можни локации за  откупно дистрибутивни центри со површина од 1 до 17 хектари од кои веќе се продадени 11 локации во Богданци, Ресен, Гевгелија, Кочани, Облешево, Неготино, Штип, Врапчиште, Илинден и Пехчево, истакна Цветков и нагласи дека заради зголемен интерес од страна на потенцијални инвеститори во процедура за пренамена се уште четири локации во Валандово, Босилово, Струмица и Могила.

Министерството за земјоделство,шумарство и водостопанство на Р.М. објавува повик за изразување на интерес со цел закуп на земјоделско земјиште во државна сопственост во Џумајлија, со површина од 4,435 ха (локација, источниот дел на Македонија). Целта на огласот е заинтересираните компании да достават писмо за интерес за инвестирање во земјоделскиот сектор.

Компаниите треба да достават бизнис план кој го вклучува следново:

- Износ на вкупните инвестиции;

- Опис на применетите технологии, спецификација на механизацијата, и

- Планираниот број на вработени по години;

Со цел да се идентификуваат заинтересирани страни, Министерството за земјоделство,шумарство и водостопанство на Р.М. ги поканува потенцијалните инвеститори да достават писмо за изразување на интерес.

Писмото за изразување на интерес треба да биде доставено до Министерството за земјоделство, шумарство и водостопанство, во електронска форма, рок за доставување: до 22 април 2015. (За дополнителни информации, слободно контактирајте ги контакт лицата).

Додаток за превземање: 

brosura_dzumajlija_2015_mk.pdf

Во Свети Николе денеска во присуство на министерот за земјоделство, шумарство и водостопанство, Михаил Цветкове е отворен  првиот тренинг Центар за примена на најсовремените технологии во оранжериското производство.

Според министерот Цветков во халите на „Балкан бринг хаус“ се одгледуваат нови висококвалитени и профитабилни сорти на оранжериски производи .

- Како Министерство за земјоделство и како Влада, даваме целосна и безрезервна поддршка на ваков вид произвдоство и негово унапредување со нови високо квалитетни и профитабилни сорти, рече Цветков.

Амбасадорот на Холандија во Република Македонија Јоп Шеферс нагласи дека оваа инвестиција е резултат на добарата соработка меѓу двете земји, но и можностите и условите кои ги нуди Македонија за производство на оранжериски производи.

- Верувам во големиот потенцијал на Македонија, во овој сектор. Ние како втора водечка земја во светот, веднаш по САД во оранжериското производство, вакво партнерство и соработка многу ни значи, вели Шеферс.