Телото за управување со ИПАРД при Министерство за земјоделство, шумарство и водостопанство утре, 17 ноември,  ќе организира ИПАРД инфо денoви во Тетово и во Кичево.

Сите заинтересирани земјоделски производители и преработувачи на храна на оваа трибина ќе имаат можат да се информираат за европските можностите што ги дава ИПАРД Програмата.

Трибините ќе се одржат во хотел Лираку во Тетово со почеток во 10 часот, а во Кичево во хотел Унион во 15 часот.

Кампањата за промоција на ИПАРД продолжува  на 19 ноември (четврток)  во Ресен.  Презентацијата на ИПАРД програмата во овој град ќе се одржи во просториите на општина Ресен во 10 часот.

Во Битола, Телото за управување со ИПАРД ќе ја промовира  програмата во хотел Епинал со почеток во 15 часот.

Доследно да се применува ХАЦЦП системот од страна на операторите за производство на храна, како и да се размислува за воведување интегриран систем за безбедност на храната. Ова беше зедничка констатација на учесниците  на трибината за подобрување на безбедноста на храната што се одржа на Скопскиот саем во рамки на 59. Меѓународен саем на храна, пијалоци и стока за широка потрошувачка „Агрофуд 2009“.

Министерот за земјоделство, шумарство и водостопанство Љупчо Димовски, во рамки на  Агрофуд 2009, оствари билатерални средби со хрватскиот министер за земјоделство Петар Чобанковиќ и словенечкиот државен секретар во Министерството за земјоделство и храна Соња Буковец.

Министерот за земјоделство, шумарство и водостопанство Љупчо Димовски,  во четврток, 19 ноември, во 10 часот и 30 минути, во Министерството за земјоделство, шумарство и водостопанство ќе одржи работен состанок со претставници на Групацијата на производители на свинско месо при Стопанската комора на Македонија.

На состанокот  инициран од Групацијата ќе се разговара за актуелните состојби во оваа сточарска гранка, особено за активностите и насоките на Ветеринарната управа на Македонија  за  борба против свинската чума.

Министерот за земјоделство, шумарство и водостопанство Љупчо Димовски вечерва на „Скопскиот саем“ го отвори 59. Меѓународен саем на храна, пијалоци и стоки за широка потрошувачка Агрофуд 2009.