Новости

По 8.500 денари за хектар ќе добијат земјоделците за производство на житните култури за најмалку 3 декари од секоја култура одделно, што е зголемивање за 500 денари.Висината на поддршката се редуцира во зависност од големината на засеаните површини. Стопроцентна исплата на  субвенциите ќе добијат производителите кои имаат засеано до 20 хектари. Дополнителна финансиска поддршка  од 3.000 денари за хектар ќе добијат прозводителите кои употребиле сертифициран семенски материјал, каде има зголемување од 500 денари од минатат година.. Од оваа година, земјоделците ќе добијат дополнителна финансиска поддршка од 3.500 денари за хектар за засеани површини со сончоглед и ориз.

Директни плаќања за сточарско производство за годинава изнесуваат околу 2 милијарди денари.Фармерите кои одгледуваат говеда ќе добиваат по 2.700 денари по грло субвенција.Субвенцијата се пресметува скалесто. За одгледани и заклани грла говеда во регистриран кланичен капацитет висината на директните плаќања изнесува 1.500 денари по грло,а за набавка на високостелни јуници со познато потекло и висок генетски потенцијал по 40 илјади денари по грло.

Земјоделските стопанства одгледувачи на овци кои поседуваат минимум 30 грла овци од сите категории на овци висината на директните плаќања изнесува 950 денари по грло. Набавени машки приплодни грла оригинали и репродуктори во период јануари– септември 2011 година ќе се субвенционира со максимален износ до 15.000 денари по грло оригинали и 5.000 денари по грло репродуктори.

Измените во Предлог Законот за тутун и тутунски производи произлегуваат од потребата за дорегулирање на законската рамка и од состојбата на теренот од годинешниот откуп на тутун.Токму затоа се предвидуваат корекции кои ќе бидат во насока на поквалитетно договорање,производство,контрола и откуп на тутунот посочи заменик министерот за земјоделство,шумарство и водостопанство Перица Иваноски на вчерашната јавна расправа по предложениот текст.

На “3-тиот Берлински Самит на министри за земјоделство“, министрите за земјоделство од 53 земји се собраа за да разменат искуства и идеи како трговијата на локално, регионално и глобално ниво би можела да придонесе за поголема  безбедност на храна. На овој Самит на кој учествува и министерот за земјоделство,шумарство и водостопанство Љупчо Димовски, денеска се усвои завршно коминике во кое се наведува дека министрите за земјоделство кои се состанаа во Берлин ја поздравија можноста за отворена размена на мислења за улогата на трговијата во безбедноста за храна.