Средба на министерот Димовски со амбасадорот на Словенија Ален Брајан Бергант

Министерот за земјоделство, шумарство и водостопанство, Љупчо Димовски, денска се сретна со  амбасадорот на Словенија НЕ Ален Брајан Бергант. На средбата стана збор за соработката во областа на земјоделството со посебен акцент на откупно-дистрибутивните центри. Министерот Димовски го информира амбасадорот дека заинтересираните фирми за вложување во откупно дистрибутивни центри имаат можност да добијат и државно земјоделско земјиште, а со цел обезбедување поволни услови за стопансисување подготвени се и голем број даночни олеснувања, како и можност за брзо регистрирање компанија.

Амбасадорот Бергант изрази подготвеност за организирање на група словенски бизнисмени да ја посетат Македонија за поблиску да се запознаат со условите и можностите за инвестирање во македонскиот земјоделски сектор, со цел да го пополнат недостигот од свежи земјоделски производи за нивната преработувачка индустрија.

Исто така Неговата Екселенција го повика Министерот Димовски и македонските компании кои се занимаваат со земјоделска дејност во пресрет на 50 годишнината од  саемот на земјоделски производи во Горна Радгона „Агра 2012“  и оваа година да го претстават земјоделскиот сектор на Република Македонија.