Расте интересот кај земјоделците за осигурување

Интересот кај земјоделците за осигурувањето на земјоделското производство од временски непогоди се зголемува.  Ова се должи на мерката која Владата ја спроведе годинава за покривање на 60 % од осигурителната полиса, која за разлика од лани е двојно поголема.

 
Заменик министер за земјоделство, шумарство и водостопанство, Перица Иваноски на состанокот  за осигурување што го организира Министерството за земјоделство  во соработка со земјоделските здруженија и осигурителните компании истакна дека годинашните резултати за борба против бруцелозата се многу подобри во однос на претходните години. Минатата година за  користење на оваа мерка  биле поднесени 120 апликации, а годинава 840. Оваа бројка според заменик министерот Иваноски треба да биде поголема за да се обезбеди сигурно и стабилно земјоделско производство.
 
Најавата од осигурителните компании дека од идната година земјоделците ќе  можат на рати да  го платат 40% од полисата за осигурување, за земјоделците е добар сигнал дека идната година  ќе се зголеми бројот на производители кои  ќе го осигураат производството.
Засега најголем е интересот кај земјоделците за осигурување на лозовите насади, житните култури но и за тутунот.
 
Кампањата на Министерството за земјоделство за подигнување на свеста кај земјоделците да го осигураат своето производство продолжуваат со засилен интензитет.