Консолидацијата на земјоделскотото земјиште презентирана во Свети Николе

Во Свети Николе денеска министерот за земјоделство, шумарство и водостопанство, Михаил Цветков ја одржа првата презентација на земјоделците за консолидација на земјоделското земјиште.

Цветков нагласи дека меѓу приоритети на Владата и на Министерството е консолидација на земјоделското земјиште.

- Во Стратегијата за 2014-2020 година еден од главните приоритети на Владата, односно на Министерството е консолидација на земјоделското земјиште, практично кажано групирање на земјоделските парцели, кои што во моментов се доста фрагментирани, односно раситнати, расцепкани. Секако за да имаме квалитетно и квантитетно земјоделско производство потребно е површините да бидат окрупнати, односно да се изврши консолидација, рече Цветков.

Тој најави дека во наредниот период ќе се одржат уште три вакви презентации и тоа во Струмичкиот, Битолско-Прилепскиот и Скопскиот регион, а на работилниците ќе се изберат два региони во кои ќе почне групирањето, односно консолидацијата на земјоделското земјиште.

- Консолидацијата секаде во светот трае доста долго  за што е потребно време, трпение и пари,но бенефитот е во поголемата продуктивност и економичност,вели Цветков.