Повик за добивање овластување за испитување на ѓубриња

Се повикуваат сите заинтересирани правни лица кои ги исполнуваат условите согласно Правилникот за поблиските услови кои треба да ги исполнуваат правните лица овластени за испитување на ѓубрињата (”Службен весник на Република Македонија” бр.129 /10 ), врзоснова на член 34 од Законот за ѓубриња ( ”Службен весник на Република Македонија”бр. 110/07, 20/09, 17/11 и 148/11), да се пријават заради добивање овластување за испитување на ѓубрињата. Кои барањето за овластување заинтересираните правни лица треба да ги достават следните документи :

-       тековна состојба издадена од Централен Регистар на Република Македонија на правното лице ;

-       диплома за завршено образование на вработените лица;

-       потврда за работно искуство издадена од институцијата каде истото е стекнато ;

-       М1/М2 обрасци за вработените лица;

-       План за испитување според начелата на добра земјоделска пракса;

-       Изјава за поседување на соодветна опрема за испитување;

-       Имотен лист или договор за закуп на деловен простор,заверен кај нотар ;

Без вакво овластување, правните лица не ќе можат да издаваат важечки документ за испитување на ѓубрињата.

Барањата за овластување се поднесуваат до Фитосанитарната управа секој ден од 08:30 до 16:30 часот,во рок од 7 (седум) дена од денот на објавување на соопштението.

Фитосанитарна управа

Ул. Аминта III бр.2 , 1000 Скопје

Лице за контакт: м-р Нако Николовски

Тел/ Факс:(02) 3112-241, Е-шта: nako.nikolovski@mzsv.mk

Тел. 070/ 409-891

Додаток за превземање: 

Повик за добивање на овластување.pdf