Декларација донесена на на 5-тиот самит на министри за земјоделство во Берлин

На на 5-тиот самит на министри за земјоделство во кој се одржа во Берлин, од страна на министрите за земјоделство се усвои следнава декларација.

Предизвици

1. Да се прифати фактот дека одржливото земјоделството игра клучна улога во исхраната на популација која на глобално ниво сè повеќе расте и дека е неразделно поврзано со искоренувањето на сиромаштијата, недоволната исхрана и сиромаштијата, особено во земјите во развој и да се нагласи дека инвестирањето во одржливо земјоделство и рурален развој е од суштинско значење за да се оствари правото на соодветна храна;

2. Да се земе  предвид потребата да се задоволи побарувачката на храна од страна на 9 милијарди луѓе во 2050 година и да се нагласи дека земјоделското производство треба значително да се зголеми, со нето просечни годишни инвестиции во земјоделството на земјите во развој во износ од барем 83 милијарди долари, согласно проценките на ФАО;

3. Да се потсетиме на обврските преземени од страна на меѓународната заедница за време на разни форуми – како на пример Светскиот самит за обезбедување доволни количини на храна 2009 - за да обезбедиме доволно храна на глобално ниво и да ги постигнеме целите на Милениумските Цели за Развој 1;

4. Да се даде признание на заложбите направени од страна на многу земји во развој, особено во Африка, за зголемување на финансиската поддршка за земјоделскиот сектор во нивните буџети и напредокот кој е постигнат до сега. Да се даде потврда на прогресот на африканските земји во имплементацијата на Сеопфатната програма за развој на земјоделството во Африка;

5. Повторно да се потврди фактот дека глобалното затоплување и опустинувањето, како и урбанизацијата на земјоделското земјиште, негативно влијаат врз производството на основни прехрамбени производи, особено во земјите во равој;

5. Да се нагласи потребата за развивање соодветни стратегии за да се ублажи и да се совлада кризата со храна, поточно во врска со нејзиното влијание врз најчувствителните групи на популцијата;

6. Да се признаат одредени специфики на малите економии и спецификите на оддалечените островски држави, кои имаат мал или никаков економски развој, кои се наоѓаат далеку од главните пазарни центри, и се чувствителни и изложени на ефектите од климатските промени;

7. Да се земе предвид дека одгледување култури кои не се користат во исхраната би можело да влијае на обезбедувањето доволни количини храна;

8.  Да се забележат влијанијата (ефектите) од зголемената непостојаност на цените врз земјоделските стопанства и дека ефектите од непостојаноста можат да го отежнат одржливото инвестирање.

Начини за напредување

Со цел да се зголеми земјоделското производство и приходите, да се потенцира потребата за зголемување на одговорни јавни и приватни инвестиции, меѓу другото, во следниве области:

одржливо земјоделство, вклучувајќи интензивирање,

рурален развој, управување со земјиштето и водите и руралната инфраструктура,

земјоделски синџири на вредности и урбано-руралните врски,

оодветен транспорт и капацитети за складирање, ефикасна био-сигурност и ветеринарни и фитосанитарни контроли во склад со правилата за ЅРЅ како и соодветни технологии со кои особено ќе се намалат загубите и скапувањето на храната по жетвата;

• развој на човечки ресурси, истражување, генерирање иновации и технологии од страна на јавни универзитети и истражувачки институции, вклучувајќи трансфер на знаење и искуства помеѓу земјите,
• ефикасни и оперативни служби за земјоделскиот сектор, како на пример ветеринарни услуги, одгледување на семе со најдобар квалитет за одредени региони, заштота на генетски ресурси и разноликост на културите, други поврзани услуги како што се информациите, кланици, пакување, пристап на пазарот и снабдување,
• советодавни служби заради трансфер на технологија, за да се промовираат добрите практики во управувањето со земјоделските стопанства, вклучувајќи прилагодување на климатските промени и нивно ублажување, и, онаму каде што е соодветно, промоција на развивање нови и соодветни финансиски инструменти базирани на пазарот, наменски креирани за развој на земјоделството, вклучувајќи го и соодветното управување со ризици;

10. Имајќи предвид дека обезбедувањето на доволно храна и  руралниот развој се прашања за социјална стабилност и национална безбедност, затоа треба повторно да се потврди суверенитетот и одговорноста на земјите да усвојат прогресивни економски политики кои водат кон одржлив, сеопфатен и рамноправен економски раст и одржлив развој, особено во земјоделството; и да се развијат стратегии за справување со кризата со храна;

11. Да се ​​зголемат инвестиците и поефикасно да се распоредува одговорното инвестирање, да се даде придонес кон националните, регионалните и меѓународните инвестициски политики кои промовираат развој на земјоделството, да се намали сиромаштијата и во центарот да се стави позитивната улога и легитимните интереси на младите и малите земјоделци, жените кои се занимаваат со земјоделството, како и локалните заедници во земјите во развој;

12. Понатаму да се потврди важноста од создавањето поволно окружување за зголемување и одржување на приватните инвестиции во земјоделскиот сектор, на основа на правна рамка која ги заштитува правата и интересите на неговата земја, поточно руралните заедници и (нивните) рурални луѓе, вклучувајќи ги правата за закуп - водејќи сметка за потребата:

• да се заштитат легитимните интереси на инвеститорите и да се обезбедат законските права,
• да се зголеми транспарентноста и да се намалат, онаму каде што е соодветно,  правните, регулаторните, административните или информативните ограничувања кои можат да го спречат одржливиот развој,
• да се промовираат пазари кои се транспарентни пазари и кои добро функционираат, заедно со ефикасни механизми за  формирање цени  и, во врска со ова, да се поддржат вложените меѓународни напори,
• да се олеснат консултациите меѓу меѓународните инвеститори, државите, организациите на земјоделците, другите заинересирани страни и меѓународните организации, за да се подобрат економските врски;
• да се интегрираат локалните, националните и глобалните пазари за храна,
• да се подобри одговорното управување со закупот на земјата, рибниците и шумите,
• да се прошири одржливото инвестирање во јавното-приватно партнерство,

исто така да се признае улогата на инвестицијата како катализатор во јавните добра, која може да создаде соодветни услови за земјоделците и другите инвеститори, и

да се забележи дека Рамковната политика за инвестиции во земјоделството на Организацијата за економска соработка и развој може да ги поткрепи напорите на земјите-домаќини кои се насочени кон подобрување на рамковните услови за инвестиции во земјоделството;

13. Да ја земат во предвид централната улога на земјоделците како инвеститори во земјоделскиот сектор, да се заложат за зајакнување на вештините и способностите на малите земјоделци, поточно, да го олеснат нивниот пристап до капитал и финансиски услуги, за нив да се обезбеди траснсфер на технологии, да се обезбедат информативни услуги, да се промовира подеднаков пристап до природните извори и да се поддржат земјоделците во нивното самоорганизирање, за да создадат ефикасност и добивка во продуктивноста;

14. Повик за инвеститорите, меѓу другото,

• да ги земат во предвид бизнис моделите кои ги вклучуваат земјоделците, особено малите земјоделци, во синџирите на вредности,
• да вршат праведна и вистинска економска активност преку транспарентни пазари,
• да ја почитуваат легитимноста на мажите и на жените во правото на закуп и легитимноста на сите важечки закони;
• да дејствуваат со должно внимание за да се избегне кршење на човековите права и да се обезбедат начини на нивно почитување,
• да се повинуваат на барањата за корпоративната социјална одговорност,
• да го земат во предвид националниот суверенитет пред природните ресурси, како и одржливоста на животната средина и благосостојбата на локалните заедници, и
• да промовираат транспарентност и пресметливост во инвестициите кои подразбираат трансакции во закупните права врз земјиштето и природните ресурси

15. Прифаќајќи го фактот дека големите инвестиции нудат можности, но исто така создаваат и одредени ризици, апелираме на одредена заштита, праќаме повик овие инвестиции да бидат структурно цврсти, општествено корисни и еколошки одржливи, и да ги олеснат консултациите помеѓу инвеститорите и заинтересираните странки

16. Ги повикуваме страните да ја потврдат нивната намера да ги имплементираат „Незадолжителните насоки за одговорно управување со закупот на земјиште, рибници и шуми, во контекст на обезбедување на доволни количини на храната во една земја", во согласност со националните приоритети и се повикуваат корпорациите истите да ги почитуваат, како во земјата, така и во странство;

17. Ги повикуваат партиите да го поддржат понатамошното елаборирање на ФАО – ’Меѓународни насоки за обезбедуваење мали рибници“.

18. Ги повикуваат сите страни да ги развијат севкупните насоки за одговорно инвестирање во процесот на консултации во рамките на Комитетот за обезбедување доволни количини  храна, за да развијат принципи за одговорно, ‑активно учество, за одговорна инвестиција која ќе има повисок степен на легитимност и развивање прогресивна реализација на правото за користење и да даде успешна напредна реализација на правото за соодветна храна.