Новости

Денеска во Министерството за земјоделство шумарство и водостопанство се одржа состанок  со претставници од шумска полиција.

На средбата се разговараше  за  евиденција на прекувремени работни саати кои ќе се докажуваат со записници за одземање на предмети и средства.

Исто така се дискутираше за постапка пред другите надлежни органи, со што реално ќе се увиди потребата од прекувремени часови. Дополнително, се очекува до средината на мај да заврши процесот на преговори во однос на потпишување на колективниот договор.

На денешниот состанок се отвори и прашањето за материјално техничките услови за работа на шумската полиција. Во оваа насока претставници од шумската полиција отсега ќе имаат активна улога во процесот на измена и дополнување на Закон за шумите.

Министерот за земјоделство,шумарство и водостопанство, Љупчо Николовски заедно со директорот на Агенцијата за финансиска поддршка во земјоделството и руралниот развој, Николче Бабовски, денеска одржаа работен состанок со винарските визби. Овој состанок за првпат се одржува на три месеци пред почетокот на бербата на грозјето, со цел навреме да се планира годинешниот откуп на грозје, залихите,плановите и предлозите на винарските визби,  но  и да се анализира моменталната состојба во секторот лозарство.

Министерот Николовски посочи обврска на Министерството за земјоделство, шумарство и водостопанство е да создава услови за непречен откуп и стабилни откупни цени, поволен амбиент и за винарниците и за лозарите, а тоа ќе се  постигне само преку навремени и редовни средби со винарниците и лозарите. При тоа министерот посочи дека ваков тип на состанок ќе се организира и со лозарите.

Министерството за земјоделство, шумарство и водостопанство континуирано за следи состојбата со откупот и цената на пролетната зелка, и се преземаат мерки за понуда на македонската зелка на рускиот пазар, порача министерот за земјоделство,шумарство и водостопанство, Љупчо Николовски.

При тоа министерот Николовски посочи дека во моментов се собираат податоците за расположливите количини и цените и интензивно се водат  разговори за пласман на зелката.И денеска претставници од Министерството ќе имаат средба со производителите од Струмичкиот регион.

Украина и Русија засега не увезуваат македонска зелка затоа што имаат прилив од други земји по многу поконкурентни цени.

- Во овие неколку часа се подготвуваат информации кои ќе бидат испратени до Македонско-руската стопанска комора која ги води разговорите. Верувам дека ќе имаме резултат, изјави министерот Николовски.

Николовски посочи дека се вложуваат максимални напори не само за олеснување на извозот, туку и за обезбедување нови пласмани.

Побрз проток на пратките, пониски трошоци, поконкурентни домашни производи – ова се дел од придобивките кои што македонските извозници ќе ги имаат со потпишувањето на двата договори од областа на безбедност на храна и  фитосанитарната соработка, со Република Србија.

Договорите се усогласуваат и до 30-ти јуни годинава треба двете држави да ги потпишат.

Потпишувањето на двата  договора всушност значи признавање на сертификатите на двете земји, односно ќе престане потребата за двојно земање на примероци и анализа на прехранбените производи, што во голема мера ќе ги намали дополнителните и непотребните трошоци со кои се  соочуваат компаниите извозници од двете земји.

Министерот за земјоделство,шумарство и водостопанство, Љупчо Николовски, денеска со Вирве Вимпари од Делегацијата на ЕУ, и со  главниот технички советник на Организацијата за храна и земјоделство при Обединетите Нации (ФАО), Вилма Даугалиене, беа во посета на дел од 12-те избрани локации за спроведување на проектот за консолидација на земјиште, во околината на селата Спанчево , Чешиново, Соколарци и Чифлик.

Пред присутните земјоделци беше презентиран процесот на изборот на локациите и следните чекори за реализација на окрупнувањето на земјиштето.

Македонија има најрасцепкани парцели во споредба со останатите земји од регионот и тоа мора да се промени, но освен заложба на институциите, неопходна е и голема посветеност на земјоделците, порачаа министерот претставниците од ЕУ и од ФАО.

Министерот Николовски посочи дека консолидацијата на обработливото земјиште е почетна точка за создавање активни земјоделци- претприемачи, подготвени за успешен натпревар на европскиот пазар.