Новости

Министерство за земјоделство, шумарство и водостопанство  денес и утре ќе биде домаќин на вториот состанок на раководителите на телата за управување со Инструментот за претпристапна помош за рурален развој (ИПАРД) од земјите на Југоисточна Европа.

Покрај од надлежните министерства од земјата домаќин, од Босна и Херцеговина, Република Српска, Хрватска, Црна Гора, Србија и од Косово, на состанокот ќе учествуваат и претставници од Генералниот директорат за земјоделство и рурален развој задолжен за ИПАРД во Брисел, како и висок претставник на Европската комисија, соопшти денеска Министерството за земјоделство, шумарство и водостопанство.

На состанокот ќе бидат разменети искуства  од процесот на акредитација и преносот на правото за управување со ИПАРД фондовите од Европската Комисија на надлежните институции, во земјите кандидати и  потенцијални кандидати за членство во ЕУ.

По повод реакциите за неисплатени субвенции во регионот на селата Брест и Танушевци, ја известуваме јавноста за следното:

Финансиската поддршка во земјоделството - субвенциите се одобруваат и исплаќаат врз основа на услови и критериуми утврдени во програмите, а во согласност со закон.

По поднесените барања за субвенции во 2010 година утврдено е забележително зголемување на пријавениот број на говеда, овци, кози и пчелни семејства во реонот на подрачната единица на МЗШВ Чаир, а пред се од страна на барателите на финансиска поддршка од селата Брест и Танушевци. Поточно, за овие две села се пријавија неверојатни 13.000 грла говеда, 21.000 грла овци, 560 грла кози како и 21.000 пчелни семејства. Воедно, во делот на говедарството беа пријавени раси на говеда за кои нема услови за одгледување на надморската височина и климатски услови присутни во овој реон.

Министерот за земјоделство, шумарство и водостопанство, Љупчо Димовски, денска се сретна со  амбасадорот на Словенија НЕ Ален Брајан Бергант. На средбата стана збор за соработката во областа на земјоделството со посебен акцент на откупно-дистрибутивните центри. Министерот Димовски го информира амбасадорот дека заинтересираните фирми за вложување во откупно дистрибутивни центри имаат можност да добијат и државно земјоделско земјиште, а со цел обезбедување поволни услови за стопансисување подготвени се и голем број даночни олеснувања, како и можност за брзо регистрирање компанија.

Амбасадорот Бергант изрази подготвеност за организирање на група словенски бизнисмени да ја посетат Македонија за поблиску да се запознаат со условите и можностите за инвестирање во македонскиот земјоделски сектор, со цел да го пополнат недостигот од свежи земјоделски производи за нивната преработувачка индустрија.

Министерот за земјоделство, шумарство и водостопанство Љупчо Димовски денеска во Русија се сретна со заменик претседателот на Трговско-индустриската комора на Руската Федерација, Георги Георгевич Петров.  На средбата која беше организирана во соработка со македонско - руската комора присуствуваше и директорот на комората, Дејан Бешлиев.

Министерот Димовски ги презентираше македонските потенцијали во производството на храна и пијалоци со акцент на производството и пласманот на вино и вино-материјал.На состанокот се потврди зголемувањето на размената Русија-Македонија за 80 проценти во однос на 2010.

Заменик претседателот на Трговско-индустриската комора Георги Георгевич Петров со оптимизам гледа на идната соработка и стои на располагање за каква било идна соработка во сите области, мегу кои и земјоделството.

Тој побара да им доставиме подетални информации за условите за инвестирање во земјоделството, затоа што информациите што ги даде министерот Димовски го привлекоа нивниот интерес.

Од септември минатата година е евидентиран зголемен увоз на македонски земјоделски производи во Русија. Голема заслуга за ваквиот позитивен тренд, освен ресорниот министер Љупчо Димовски, имаат и македонските преприемачи кои претходните неколку месеци засилено го промовираа домашното производство на рускиот пазар. Очекувам ваквиот позитивен тренд во трговијата и во развојот на економските односи меѓу нашите држави да продолжи и во иднина.

Ова го изјави заменик министерот за регионален развој и копретседател на Меѓувладината руско-македонска комисија Максим Травников на денешниот работен состанок со министерот за земјоделство, шумарство и водостопанство Љупчо Димовски во Москва.

Како што  истакна Травников, тој лично ќе се заложи  за успешна организација и промоција на македонското стопанство во април годинава.