Новости

АгБиз Програмата на УСАИД и министерствата за економија и за земјоделство, шумарство и водостопанство во партнерство со Агенцијата за странски инвестиции и поддршка на извозот иницираа изготвување заеднички пристап и стратегија за поголема промоција и извоз на свежо овошје, зеленчук и нивни преработки.

Како што беше речено на денешната конференција, идејата е преку конкретни маркетинг планови да се одберат и селектираат пазари на кои македонското овошје и зеленчук би имале конкурентска предност, да се направат чекори за подобрување на конзистентноста на квалитетот и финализацијата на производите со цел домашните компании подобро да одговорат на се поголемите притисоци на пазарите на кои борбата е немилосрдна. Тоа ќе ги направи македонските производи препознатливи, што е од суштинско значење.

Преработките од овошје и зеленчук заедно со тутунот и виното се најзначајни македонски земјоделски извозни продукти.

Министерот за земјоделство, шумарство и водостопанство Љупчо Димовски, денеска, во рамки на работната посета на Израел, со претставници од Министерството за земјододелство, шумарство и водостопанство го посети целосно компјутеризираниот Центар за производство на семе и саден материјал, сопственост на Исак Либтех. Тој во нашата земја, во Свети Николе, инвестира во изградба на ист современ центар за производство на сертифициран семенски и саден материјал, кој треба да функционира по теркот на неколкуте кои работат во Израел и каде со наjсовремена технологија се произведуваат хибриди од садници и семенски материјал со висок генетски потенцијал.

Министерот Димовски изрази воодушевување од функционирањето на Центарот и од можноста која им се нуди на земјоделците од Израел во делот на квалитативното зголемување на производството преку употреба на семенски и саден материјал кој одговара на климатските и почвените услови во регионите каде тие произведуваат.

Министерот за земјоделство, шумарство и водостопанство, Љупчо Димовски во рамки на работната посета на Израел се сретна со министерот за енергија и водни ресурси, д-р Узи Ландау.

На средбата се разговараше за соработката мегу Р. Македонија и Израел во областа на рационално искористување на водите, со оглед на тоа што во Р.Македонија има вода но треба да се научи како штедливо и мудро да ја користи. Поради климатските промени некои региони во Македонија сериозно се погодени и се јавува недостиг на вода во летните сезони. Поради тоа Македонија треба да научи од Изреал како да ја штеди водата. Во овие региони на пролет има силни  и обилни дождови и водата од овие дождови треба да се сочува и користи во сушните периоди.

Министерот за земјоделство Љупчо Димовски и неговата колешка министерката за земјоделство на Државата Израел, Орит Нокид, денес во вечерните часови за време на првиот ден од посетата на министерот Димовски на Израел потпишаа Аранжман за соработка.

Со Аранжманот за соработка во областа на земјоделството помеѓу Република Македонија и Државата Израел се формализира соработката помеѓу двете земји, која во последните години се интензивира и тоа со реализација на проекти и програми за техничка поддршка, пренос на современа израелска технологија, знаење, искуства, како и преку специјализирани обуки и други форми на поддршка од израелска страна.

Риболовната основа за акумулацијата Тиквешко Езеро беше донесена на 09.03.2010 година. Изготвувачот на основата -овластената установа од областа на рибарството ЈНУ Хидробиолоски Завод од Охрид, со нацрт тектот на основата ја запозна јавноста пред нејзиното донесување.

Одделни забелешки од заинтересираните субјекти беа прифатени од изготвувачот и вградени во текстот пред донесување на основата. Во Законот за изменување и дополнување на Законот за рибарство и аквакултура кој се усвои и објави во мај 2010 година, се направи дополна во членот 16 со кој се дефинира риболовните основи да се објавуваат во Службен весник на Република Македонија. Во истиот член е дадена можноста риболовните основи да можат да се ревидираат доколку настанат одредени промени кои може да влијаат на рибите од риболовните води.

Додаток за превземање: 

Риболовна основа акумулација "Тиквеш"