Врз основа на член 16 и 77 од Законот за рибарство и аквакултура (“Службен весник на Република Македонија” бр.7/08, 67/10, 47/11, 53/11, 95/12, 164/13 и 116/14)  и дел IV од Програмата за финансиска поддршка во рибарството и аквакултура (“Службен весник на Република Македонија“ бр.194/14), Министерството за земјоделство, шумарство и водостопанство објавува

ЈАВЕН КOНКУРС

за изработка на риболовни основи

Додаток за превземање: 

javen_konkurs_ro_2015.pdf

Фарма „Агриа“ во Градско е најголем капацитет за производство на свинско месо во земјава која го обезбедува домашниот пазар со свежо месо. Пролетниот период е проблематичен за пласман на овој вид месо и со менаџерскиот тим денеска разговаравме како системски да се надминат овие состојби, истакна Министерот Цветков  по средба во „Агриа“.

На состанокот беше потенцирано дека Министерството ќе продолжи да ги следи состојбите во овој сектор и заедно со стопанствениците ќе донесува мерки кои се во насока на зголемување на конкурентноста на домашните фарми.

Министерот за земјоделие Михаил Цветков денеска со оризопроизводителите од карбинскиот регион договори итно чистење на каналската мрежа во должина од 80 километри и 4 километри водени јазови. Акцијата ќе се спроведува во текот на идните 30 дена, со што ќе се овозможи навремена подготовка на површините со ориз и со сеидба да се започне во оптималниот рок.

-Времето е многу кусо и од тие причини веднаш треба да се започне со чистењето. Проблемите се доста големи ние сега за сега ќе работиме само ургентно, значи да доведеме до оние површини до кои практично ќе бидат засеани и тука ќе бидеме фокусирани. Изјави Михаил Цветоков, министер за земјоделство, шумарство и водостопанство

ЈП  Водостопанство „Брегалница“,   во соработка со водните заедници во овој регион изготви план каде треба примарно да се интервенира. Поради поплавите, некои од каналите се целосно натлачени, па таму ќе се чисти со поголема механизација.

Македонскиот министер за земјоделство, шумарство и водостопанство Михаил Цветков денеска во Љубљана се сретна со неговиот словенечки колега Дејан Жидан.

На средбата е потврдена досегашната успешна соработка на двете министерства и насоките и идните заеднички проекти.

На средбата на која присуствуваше и директорот за ветеринарство и храна Зоран Поповски, особено внимание е посветено на прашањето на третманот на нус-производите од животинско потекло. Словенија на овој план има ефикасен систем за безбедно управување со животински нус-производи, врз основа на моделот на јавно-приватно партнерство.

Двајцата министри разговарале и за евроинтеграциските процеси, како и за трансфер на словенечкото искуство во Македонија од областа на земјоделството.

Врз основа на членовите 59 и 60 од Законот за семенски и саден материјал за земјоделски растенија (“Службен весник на Република Македонија” бр. 39/06 , 89/08, 171/10, 53/11, 69/13, 187/13 и 43/14) Mинистерство за земјоделство, шумарство и водостопанство, распишува

ЈАВЕН КОНКУРС
за јавно овластување на правни лица за вршење на стручна контрола над производството, постконтрола, испитување на сорти и лаборатории за испитување на квалитетот на семенски и саден материјал за земјоделски растенија и за земање и чување на референтните примероци од видови на сорти на земјоделски растенија – ген банка

Додаток за превземање: 

Javen konkurs 15.01.2015.pdf