Министерот за  земјоделство, шумарство и водостопанство Михаил Цветков денеска одржа уште еден состанок со претставници на земјоделските здруженија и мелничката индустрија. На состанокот беше разговарано за можните минимални откупни цени на пченицата од претстојната реколта.

Според земјоделците откупната цена би требало да се движи од 10 до 14 денари за килограм во зависност од квалитетот,а предлогот на  мелничарите е таа да биде од 8 до 9 денари за килограм.

На состанокот беше заклучено, по објавувањето на берзанските цени за новата пченица, односно на крајот од идната недела, повторно да се оддржи состанок на кој ќе се дефинираат минималните цени.

Со оглед на тоа што во моментов се увезуваат брашно и пченица од ланската реколта и за поголема заштита на потрошувачите,земјоделците и мелничарите побараа Агенцијата за храна и ветеринарство да продолжи со зајакнати контроли на квалитетот и безбедноста на увезенето брашно и над операторите со храна кои вршат увоз на брашно.

Министерот за земјоделство, шумарство и водостопанство, Михаил Цветков, заменик министерот за економија Христијан Делев и директорката на Агенцијата за финасиска помош, Билјана Вуковиќ денеска во оранжериите „Еко Оаза Самандов“ во карбинското село Таринци имаа средба со производителите на градинарски производи од штипскиот, карбинскиот и светиниколскиот регион, со цел да се надминат проблемите кои ги имаат со водоснабдувањето, но и со пласманот на своите производи.

Како што истакна министерот Цветков во текот на утрешниот ден ќе бидат презентирани мерките кои ќе се преземат за производителите на градинарски производи.

На новинарско прашање како ќе се реши проблемот на производителите на домати од струмичкиот регион и сметаат дека Македонија треба да го стопира увозот на албанскиот домат, Цветков одговори дека албанскиот не му конкурира на македонскиот домат.

- Од 1 јуни па досега нашите градинари имаат извезено 6. 350 тони, а во истиот период увоз од Албанија 88 тони,изјави Цветков.

Денеска е објавен огласот за давање во закуп земјоделско земјиште во сопственост на државата во регионите Валандово, Гевгелија и Струмица. Понудена е вкупна површина од 33 хектари, од кои 11 во регион Валандово, 12 во Гевгелија и 9 хектари во Струмица.

Намената за кое се дава земјоделско земјиште е за производство на сертифициран саден материјал  за градинарски култури. Времетраење на закупот за кој се дава земјоделското земјиште  е за период од 30 години.

Избраниот понудувач е должен во рок од четири години од денот на склучување на договорот, да изгради оранжерии.

Минималниот број на произведен сертифициран саден материјал во текот на една производствена  година не смее да е помал од  20.000.000 садници.

Право на учество на јавниот оглас имаат домашни физички и правни лица и странски правни лица.

Со поддршка на Организацијата за храна и земјоделство на Обединетите нации (ФАО), во идните месеци ќе се спроведува Проектот за развој на живинарството, во износ од 100.000 долари преку техничка и стручна помош во надминување на главните предизвици и потешкотии со кои се соочува живинарството во Република Македонија.

Целта на Проектот е да развие Програма за поддршка на семејните живинарски фарми за производството на јајца и бројлери за што постои долга традиција во Република Македонија, но со неискористен потенцијал, недоволна организираност и несоодветно позиционирање на пазарот проследен со отежнат пласман на производите.

Министерот за  земјоделство, шумарство и водостопанство Михаил Цветков денеска одржа состанок со претставници на земјоделските здруженија и мелничката индустрија. На состанокот беше разговарано за моменталната состојба и за очекуваното производство на пченица.

Годинава посочи министерот Цветков се очекува да има помали количества на пченица која поради неповолните климатски услови е засеана на помали површини односно на околу 70 000 хектари.

Министерството за земјоделство,истакна министерот Цветков ќе продолжи да ја следи состојбата и ќе ги превземе сите мерки за успешна реализација на претстојниот откуп на пченицата во интерес и на земјоделците и на мелничката индустрија.

Повторна средба е закажана за десетина дена.