Зголемено е производство на овчо млеко и запрен е трендот на намалување на бројот овци што особено беше евидентен до 2007 година, рече денеска министерот за земјоделство, шумарство и водостопанство Михаил Цветков во обраќањето на десетиот поред „ “ што се одржа во Маврово.

Имајќи го предвид фактот дека највисок процент, преку 95 отсто од овчарските стада се во сопственост на малите индивидуални стопанства, Владата, нагласи Цветков, особено се залага со пакет мерки да го унапреди овој сегмент од сточарството.

Наместо на 10 април како досега, тутунарите да го добиваат семенскиот материјал 15 дена порано, на 25 март, предвидува новиот закон за тутун што денеска беше на јавна расправа пред здруженијата, научните институции, стопанските комори и откупувачите во Прилеп.

Расправата ја организираше Министерството за земјоделство, шумарство и водостопанство во Институтот за тутун.

Според ресорниот министер Михаил Цветков,  новиот предлог доаѓа откако досегашниот закон од 2006 година претрпе преку 50 отсто измени.

- Со новото предлог-решение го менуваме календарот за тутунопроизводство по барање на тутунарите, за навреме да ја почнат сеидбата на тутунот. Што се однесува до откупувачите, тие со постојниот и новиот закон се должни да обезбедат средства за откупот. Сега, откако целиот процес на производство се води компјутерски, може да ги обезбедуваат парите парцијално, додека откупуваат и плаќаат, а ќе продолжат со откуп откако ќе ги обезбедат другите средства, објасни Цветков.

Влада на Република Македонија

Министерство за земјоделство, шумарство и водостопанство

Врз основа на член 21-а од Законот за земјоделското земјиште („Службен весник на Република Македонија“ бр.135/07, 18/11, 148/11, 95/12, 79/13, 87/13 106/13, 164/13, 39/14, 130/14, 166/14 и 72/15), по Одлука бр.22-6463/1 од 02.06.2015 година, министерот за земјоделство, шумарство и водостопанство, распишува

Јавен ОГЛАС    бр.01/15

за давање во закуп на земјоделско земјиште во државна сопственост

за површини над 10 хектари

I. ПРЕДМЕТ НА јавниот ОГЛАС

Се дава во закуп земјоделско земјиште во сопственост на државата во регионите Валандово, Гевгелија и Струмица за вкупна површина од 33 ха 11 ар  95 м² и  тоа во:

Регион Валандово, Катастарска општина Казандол со вкупна површина од 11ха 71ар 89м²

Регион Гевгелија, Катастарска општина Негорци со вкупна површина од 12ха 16ар 37 м²

Додаток за превземање: 

namenski javen oglas - rasadnici 01-15.pdf

Државниот секретар на Министерството за земјоделство, шумарство и водостопанство Бесир Јашари денеска имаше работен состанок со државниот секретар за економска дипломатија на Унгарија Левенте Маѓар. На средбата во МЗШВ соговорниците истакнаа дека двете земји имаат простор и интерес за соработка за сите области во земјоделството.

Потврда за тоа е и досегашното искуство, кое може да биде дополнето и со изработка на кафилерија. Токму за реализација на таков проект во Македонија, во моментов има интерес од една унгарската фирма.

- Ние мора да направиме и ќе направиме кафилерија, што е обврска на државата. За фабриката за производство на нус производи е определена локација од страна на Владата на Република Македонија и во тек е изработка на физибилити студија. До крајот на годинава треба да го имаме финалниот и најповолен концепт за Република Македонија, - истакна Јашари.

Претставниците на мелничарите и земјоделските здруженија на денешниот состанок во Министерството за земјоделство,шумарство и водостопанство се договорија најниската откупна цена на пченицата да биде 11 денари за килограм. Оваа цена треба да важи за минимален квалитет на пченицата за производство на леб.

Државниот инспекторат за земјоделство, по барање на земјоделците, ќе врши дополнителна контрола во мелничките капацитети доколку производителите на жито имаат реакции на проценките за квалитетот на предадената пченица.

За оние производители кои не сакаат пченицата веднаш да ја продадат, а немаат сместувачки капацитети,мелничарите им понудија минимални цени за оваа услуга или бесплатно доколку подоцна ја продадат кај нив.

Министерството за земјоделство, истакна министерот Михаил Цветков, ќе продолжи да ја следи состојбата и ќе ги преземе сите мерки за успешна реализација на претстојниот откуп на пченицата во интерес на земјоделците, мелничката индустрија и на потрошувачите.