Новости

Земајќи ги во предвид состојбите во подсекторот за ориз  во 2011/2012 година и во соработка со претставниците на производителите и откупувачите на ориз, Владата на предлог на Министерството за земјоделство, шумарство и водостопанство  донесе заклучок да се излезе во пресрет на нивните барања со дополнителни мерки за поддршка на производителите и откупувачите на ориз.

1. За произведена и предадена оризова арпа во регистрирани домашни откупно-преработувачки капацитети:

- производна површина до 2,5ха –3,5 ден/кг

- производна површина од 2.6ха до 5ха – 2 ден/кг

- производна површина од 5,1ха до 7,5ха – 1,5 ден/кг

- производна површина од 7,6ха до 10ха – 1 ден/кг

2. Дополнителна мерка за стандардизација на квалитетот на белиот ориз во висина од 2 ден/кг за преработувачите на ориз.

Аплицирањето по овие мерки започнува од 01.10.2012 и ќе трае до 15.12.2012.

На денешната средба на министерот Љупчо Димовски со новиот амбасадор на Државата Израел, Јоси Амрани надлежен за Република Македонија со седиште во Загреб, беше истакната досегашната успешна соработка меѓу Република Македонија и Државата Израел која се темели на цврсто пријателство, взаемна почит и волја за понатамошно унапредување на односите меѓу двете земји. Оваа соработка се очекува да се развива и во иднина имајќи ги предвид потенцијалите на двете земји во земјоделството како важна гранка на стопанството, со цел подобрување на стандардот на живеење на населението во руралните средини.

Македонската делегација предводена од Перица Иваноски, Државен советник во Министерството за земјоделство, шумарство и водостопанство на Република Македонија, учествуваше на 7-от Форум за земјоделска соработка помеѓу Кина и земјите од Централно Источна Европа кој се одржа од 6 до 9 септември 2012 година во осум милионскиот Х’феи, главен град на провинцијата Анхуи. Форумот во организација на Кинеското министерство за земјоделство се одржува секоја година во насока на подобрување на економската соработка помеѓу европските земји и Кина.  Во текот на форумот домаќините од Народна Република Кина и учесниците од другите земји беа запознаени со досегашната соработка во земјоделството помеѓу Македонија и Кина која оди во нагорна линија, а Економскиот промотор Славица Крстева информираше за инвестиционите можности за производство и преработка на овошје, зеленчук, грозје, мед, тутун, житарици  и ориз како и за други производи земјоделски.

Република Македонија е една од дессете земји која учествува на на форумот помеѓу Централна и Источна Европа и Народна Република Кина во делот на земјоделството кој по седми пат се одржува во главниот град на провинцијата Анхуи, Хефеи. Форумот е значаен настан за поттинување на соработката со Република Кина која во последниве неколку години бележи значаен напредок, преку размена на бизнис делегации до потпишување на низа билатерлани договори меѓу кој особено е важен Протоколот за фитосанитарна соработка од март оваа година со кој се овозможи слободен пристап на македонскиот тутун на кинескиот пазар.

На саемот кој се одржува паралелно со форумот свое присаство имаат седум винарии од Република Македонија и еден производител на мед кои остварија низа контакти со потенцијалните деловни партнери за настап на големиот кинески пазар.

Груби лаги и невистини, измислици и конструкции беа изречени на вчерашната надзорна расправа во македонското Собрание. Опозициските пратеници зборуваа се, но најмалку вистина, посочија денеска на прес-конференција министерот за земјоделство, шумарство и водостопанство Љупчо Димовски и заменикот министер Зоран Коњановски.

Тие изнесоа документи како писмена потврда дека се што беше кажано во врска со конкретни случаи, не кореспондира со реалноста.

Фирмата „Агро Оморани“ сама побарала раскинување на договорот за закуп со кој добила 3,5 хектари земјоделско земјиште и воопшто не поднела барање, ниту добила средства од програмите за финансиска поддршка наспроти тврдењето на Ленче Николовска, пратеник и претседател на собраниската Комисија за земјоделство, дека овој правен субјект земал субвенции и 12 парцели.