Македонија, во делот на земјоделството и индустријата за храна, на располагање на идните инвеститори им нуди земјоделско земјиште во државна сопственост под закуп за примарно производство, парцели за изградба на откупни центри за овошје и зеленчук и винарски визби, како и целосна поддршка за реализација на деловните идеи.

Ова денеска го истакна министерот за земјоделство, шумарство и водостопанство Михаил Цветков на Форумот за земјоделство, трговија и економска соработка помеѓу земјите од Централна и Источна Европа и Народна Република Кина што се одржува во Будимпешта, Унгарија, презентирајќи ги деловните можности за трговска соработка и инвестирање во македонскиот земјоделско-прехранбен сектор.

Цветков посочи дека секторите со компаративна предност, кои се извозно-ориентирани и атрактивни за инвестирање, се свежиот и преработен зеленчук и овошје, производството на вино, на ароматичен ориентален тутун и јагнешко месо, како и органското производство.

Министерот за земјоделство, шумарство и водостопанство Михаил Цветков од денеска до 25 овој месец ќе учествува на 10. Форум за земјоделство, трговија и економска соработка помеѓу земјите од Централна и Источна Европа и Народна Република Кина, што се одржува во Будимпешта, Унгарија.

На Форумот учествуваат министри за земјоделство од 20-тина европски држави и од Кина, како и претставници од унгарски компании, пред кои министерот Цветков ќе ги презентира деловните можности за трговска соработка и инвестирање во земјоделско - прехранбениот  сектор во Република Македонија.

Форумот е значаен настан кој прерасна во сериозна платформа за соработка меѓу владите и деловните субјекти од земјоделско – прехранбениот сектор на земјите учеснички и кој претставува одлична можност за споделување искуства и размена на корисни информации за инвестициските можности, потенцијалот за трговска размена и реализација за заеднички иницијативи и проекти.

Во индустриската зона „Макази“ кај Ресен денеска е пуштен во употреба новиот откупно-дистрибутивен центар за јаболка  „Apple Land“, инвестиција од пет милиони евра со која ќе се отворат 100 нови работни места.

На отворањето присуствуваа премиерот Никола Груевски, министерот и заменик министерот за земјоделство, шумарство и водостопанство Михаил Цветков и Ванчо Костадиновски, како и заменик-министерот за образование Спиро Ристовски и директорот на Дирекцијата за ТИРЗ Виктор Мизо.

- Ваквата голема инвестиција во оваа област беше одамна исчекувана и вистински потребна за јаболкопроизводителите од преспанскиот регион. Денес таа стана реалност и верувам дека ефектите од неа набрзо ќе бидат почувствувани од страна на производителите. Современиот откупен центар претставува директна инвестиција од пет милиони евра во овоштарството  и тој има низа подобности, како што се можноста за откуп, калибрирање и складирање на јаболката користејќи притоа најнови технологии, истакна премиерот Груевски во обраќањето.

Министерството за земјоделство, шумарство и водостопанство од денеска, па до 17 декември годинава ќе продолжи со отворените денови во рамки на кои ќе посети нови 100 населени места низ Македонија каде ќе има директни средби со земјоделците.

Новиот циклус на отворените денови ќе почне денеска во 19 часот во Росоман, а  агендата за средбите со земјоделците со точната сатница е објавена на веб страницата на Министерството.

- Најголем дел од местата кои ќе се посетат се нови, но има и такви каде е барана повторна  средба за расчистување на некои дилеми и презенитрање на некои проекти кои се опфатени со Програмата за рурален развој и средсвата кои се на располгање во трите мерки од ИПАРД, рече заменик министерот Ванчо Костадиновски на денешната прес-конференција, повикувајќи ги сите кои имаат некаков проблем или сакаат да се запознаат со некои проекти и мерки да дојдат на средбите.

Влада на Република Македонија

Министерство за земјоделство, шумарство и водостопанство

Отворени денови со земјоделците

Агенда за посета по населени места

Додаток за превземање: 

agenda za poseta po naseleni mesta комплетирана.pdf