Министерство за земјоделство, шумарство и водостопанство

С О О П Ш Т Е Н И Е ЗА ПРИЈАВУВАЊЕ ЗА ПОЛАГАЊЕ НА ИСПИТ ЗА ДОБИВАЊЕ НА ЛИЦЕНЦА ЗА ПРОЦЕНА НА ТУТУН

Дата на објава:

28 Декември 2015

Пријавувањето на заинтересираните кандидати за полагање испит заради добивање на лиценца за процена на тутун ЗАПОЧНУВА НА 29.12.2015 година и ЗАВРШУВА ЗАКЛУЧНО СО 15.01.2016 година, а ПРВИОТ ДЕЛ ОД ИСПИТОТ ЌЕ СЕ ОДДРЖИ НА 25 Јануари 2016 година.

I.Услови за одобрување на полагање на испит за добивање на лиценца за процена на тутун

Согласно член 26 од Законот за тутун и тутунски производи кандидатите кои сакаат да полагаат испит за добивање на лиценца за процена на тутунот треба да бидат:

- со соодветно високо, вишо или средно образование од областа на технологијата за производство и обработка на тутун или со или без работно искуство;

- без соодветно високо образование, а со две години работно искуство, вишо образование со три години работно искуство или средно образование со четири години работно искуство во областа на технологијата за производство и обработка на тутун или

Прочитај повеќе

За две недели откупени над 5.000 тони тутун, просечна цена 185 денари

Дата на објава:

25 Декември 2015

Само две недели од почетокот на откупот на тутунот, деветте откупувачи заклучно со 23. Декември, откупија вкупно 5.168 тони тутун од годинашната реколта. Просечна откупна цена инесува 185 денари по килограм што за 65 денари повеќе од ланската откупна цена за истиот период.

Според податоците од Државниот инспекторат за земјоделство исплатата е реализирана со 54,21% или за родот од 2015 година, досега се исплатени 518.498.348 денари.

Откупот се врши на вкупно 186 ваги на 152 откупни места, а динамиката тече без проблем и според договорите меѓу тутунопроизводителите и откупувачите.

Според првичните проценки, се очекува да бидат откупени околу 25.000 тони тутун.

Министерството за земјоделство, шумарство и водостопанство, пред откупот, достави писмено известување до откупните компании за преземање на одредени мерки кои ќе помогнат за поуспешен откуп на тутунот од родот во оваа година.

Презентација на извештајот за адаптација на овоштарството, лозарството и градинарството кон климатските промени

Дата на објава:

21 Декември 2015

Лесно апликативни, не многу скапи и економски оправдани, вакви адаптивни мерки треба да се преземат за заштита на земјоделството од климатските промени чии негативни влијанија допрва ќе се почувствуваат.

Ова е пораката од денешната презентација на резултатите од Проектот за адаптација кон климатските промени, спроведен од Мрежата за рурален развој на Македонија, со финансиска поддршка на УСАИД.

Според експертите, државата не може да влијае на климатските промени, но може да го прилагоди земјоделското производство и со тоа, во одредена мера, да го заштити од несаканите последици. Производителите, пак, се се посвесни за влијанието на климатските промени, бараат стручна помош и соработуваат за заштита и зачувување на посевите.

Прочитај повеќе

Агро-бизнис форум: Пристапот до капитал основа за инвестиции во земјоделството

Дата на објава:

17 Декември 2015

Македонскиот агро-бнизнис има голем потенцијал. За негово искористување е неопходно постојано вложување во модернизација, иновации и знаење, но потребни се и добри стратегии за настап на странски пазари.

Ова е пораката од денешниот Агро-бизнис форум што четврта година по ред го организира ПроКредит банка. Учествуваа преку 200 претприемачи и земјоделци, а присуствуваа и министерот за земјоделство, шумарство и водостопанство Михаил Цветков, како и директорот на Мисијата на УСАИД Џејмс Стајн.

Пристапот до капитал, до финансиски средства по поволни услови, беше една од клучните теми на Форумот.

Прочитај повеќе

ИЗВЕСТУВАЊЕ за Нацрт текстовите на риболовните основи за одделните риболовни води

Дата на објава:

14 Декември 2015

По запознавањето на заинтересираните субјекти со текстовите на Нацрт риболовните основи за одделните риболовни води на јавната расправа која се одржа на ден 15.10.2015 година во просториите на Министерството за земјоделство, шумарство и водостопанство, изработувачот на риболовните основи ЈНУ Институт за сточарство – Скопје до министерството ги достави риболовните основи со вградени прифатливи забелешки од заинтересираните субјекти.

Министерството за земјоделство, шумарство и водостопанство ги објавува Нацрт текстовите на риболовните основи за одделните риболовни води со вградените забелешки од изработувачот заради запознавање на пошироката јавност.

Свој придонес, пред нивното објавување во Службен Весник на Република Македонија, ќе може да даде секој со презентирање на евентуалните сугестии и забелешки на Јавна расправа за чиј термин на одржување дополнително ќе се објави известување.

Додаток за превземање: