Новости

Креирање на 637 нови работни места и обезбедување на дополнителен приход за преку 42.400 рурални домаќинства во Македонија, како и развивање на 35 нови производи во изминатите шест години овозможи АгБиз програмата на УСАИД чие официјално затворање беше означено денеска.

Целта на Програмата беше да се зголеми економскиот раст на Македонија преку проширено и еколошки одржливо производство и продажба на земјоделски производи со додадена вредност и оспособување на производителите и преработувачите да се конкурентни на регионално и глобално ниво.

Зајакнување на институционалните капацитети и подобро функционирање на секторите за органско земјоделство е целта на проектот финансиран од Европската унија што ќе се спроведува во Македонија до мај 2014 година.

За овој период ќе биде направена анализа на институционалните потреби и ќе се идентификуваат производите кои можат да бидат со заштитна ознака и да се регистрираат во соодветни регистри. За спроведување на овие активности ќе бидат ангажирани меѓународни експерти кои ќе бидат вклучени во обуки, работилници и работни средби.

Проектот чини 700 илјади евра, а твининг партнер на македонското министерство за земјоделство е министерството за земјоделство, прехрана и шумарство на Република Италија.

Саемот за промоција на вино и пијалоци Интервине се одржува во градот Гуанџоу, НР Кина во периодот од 30ти Мај до 1ви Јуни 2013 година. На десетото издание на Саемот ИНТЕРВИНЕ се презентираат 11 винарски визби од Македонија (Тиквеш, Стоби, Сковин, Далвина, Попов, Бовин, Камник, Дудин, Езимит, Имако и Попова Кула), на заеничкиот павиљон, а заедно со виното се презентираат и туристичките и инвестиционите потенцијали на Македонија. Ова е најголемиот саем во облата Гвандонг, јужна Кина на кој своите вина ги презентираат повеќе од 500 изложувачи од 20 земји од светот и истиот привлекува повеќе од 20.000 увозници и дистрибутери на вино од цела Кина.

Исклучителни високи приноси пченица и до 7 тони на хектар достигнуваат одредени парцели  во Кумановско. Ова, како што рече денеска министерот за земјоделство, шумарство и водостопанство Љупчо Димовски, се одлични резултати ако се земе предвид просечниот принос во земјава од 2,5 тони.

Во овој регион, посочи Димовски, почвата е од четврта и петта категорија споредено со житницата Пелагонија каде што е од прва или втора класа.

- Причина за постигнуавањето високи резултати е примената на агротехнички мерки, користење најмодерни машини и технологија, како и употреба на серифициран семенски материјал, истакна министерот кој учествуваше на манифестацијата „Ден на полето за житни култури“ во село Новосељане.

Продажбата на државното земјоделско земјиште ќе го раздвижи капиталот во Македонија, оцени денеска министерот Љупчо Димовски. Ваквиот потег што по иницијатива на земјоделците веќе се преточува во закон, ќе значи, напомена, зголемување на приносите и на вкупното производство.

И стопанствениците кои учествуваа на јавната расправа по овој владин предлог, се согласни дека од приватизацијата на површините бенефитот ќе биде повеќекратен. Ќе се срушат сите бариери, пред се идеолошки, и ќе се создадат предуслови за сериозно агропроизводство.

- Сопственото е најсигурно. Оттука, ако се вложи сопствен капитал, ќе се води сметка за целосна обработка на површините со користење современи агротехнички мерки и модерна механизација. Тоа, пак, ќе значи зголемување на приносите и на вкупното производство, рече министерот Димовски.