Новости

Министерот за земјоделство, Љупчо Димовски и Амбасадорот на Европската комисија во Република Македонија денеска ја посетија Агенцијата за финансиска поддршка во земјоделството и руралниот развој, каде одржаа состанок со директорот на Платежната агенција, Тони Димовски.

Професионални, добро екипирани служби, квалитетни проекти и иницијативи од страна на фармерите кои речиси не веруваат дека може да добијат пари од ЕУ, се препораките од евроамбасадорот Аиво Орав за што поголемо искористување на ИПАРД фондовите.

- Парите од ЕУ се повеќе теоретски зашто нема земја во ЕУ или држава кандидат за членство која може да апсорбира 100 отсто од средствата. Но, вашата цел би требало да биде повлекување што повеќе, блиску до 100 проценти, изјави Орав по денешната посета на Платежната агенција.

Според него, земјоделството има многу важна улога за државата и од тие причини е особено битно помошта од ЕУ што им се дава на фармерите за модернизација да биде ефикасно и добро искористена.

Министерот за земјоделство, Љупчо Димовски во рамки на подготвителните активности за претстојната откупна сезона на тутунот, денес, во просториите на Министерството за земјоделство, шумарство и водостопанство одржа работен состанок со претставницитe на здруженијата на тутунопроизводителите од Република Македонија и откупните претпријатија за тутун.

На средбата беа опфатени повеќе теми поврзани со позитивните ефекти од досегашното субвенционирање за производството на тутун, очекуваниот род од годинешната берба, квалитетот на тутунот и темите поврзани со организираноста во пресрет на отпочнување на откупната сезона.

Државниот секретар во министерството за земјоделство, на Р. Македонија, Бесир Јашари, денес, во Копаоник, Република Србија се обрати на седмиот годишен работен состанок на министрите за земјоделство на Југоисточна Европа.

Состанокот го отвори и го водеше државниот секретар во Министерството за земјоделство, шумарство и водостопанство на Република Србија – Данило Голубовиќ, кој претседаваше со состанокот наместо министерот Гламочиќ, кој поради повреда на вратот, во последен момент мораше да го откаже учеството. Голубовиќ го презема и претседавањето со SWG од својот косовски колега, министерот Блеранд Ставилеци.

Министерот за земјоделство Љупчо Димовски денеска во Јасен се сретна со претседателите на ловните федерации од земјите во регионот. Потпишаа меморандум за соработка кој треба да помогне  за развој на ловниот туризам, а со тоа и до поголем  развојот на руралните средини.

„Охрабрува тоа што сите учесници се подготвени своите искуства да ги пренесат на македонската страна, воедно радува фактот што како еден од водечките концесионери односно стопанисувачи со дивечот се се јавува Ј.П Јасен како носител на иницијатава и на сите работи што треба да ги имплементираме во следниот период“ истакна министерот Димовски.

Претставникот од Словенија рече дека соработката со земјите од регионот се од голема важност со цел размена на искуства во областа на ловот.
Во земјава има над 240 ловишта. Во знак на интензивирање на соработката министерот Димовски доби на подарок ловечки нож и капа од претседателите од регионалните ловечки федерации.

Министерот за земјоделство, шумарство и водостопанство Љупчо Димовски, оствари прва официјална средба со новоименуваниот амбасадор на Република Италија во Република Македонија н.е. Ернесто Масимино Белели.