Соопштенија

Подобрување на комуникацијата и координацијата меѓу земјоделските производители и преработувачи за да се заштити секторот од нелојалната конкуренција која прави сериозни проблеми во откупот на овошјето и зеленчукот за преработка. Ова е пораката која вчера министерот за земјоделство, шумарство и водостопанство Љупчо Димовски им ја пренесе на земјоделските производители и на преработувачите, членки на Македонската асоцијација на преработувачи, на заедничкиот состанок кој се одржа во Струмица.

-Радува фактот дека годинава можеме да се пофалиме со позитивни резултати и во делот на градинарското производство. Финансиската поддршка и соработката на примарните производители, трговците и преработувачите, оваа година резултира со зголемено производство, на некои за државава стратешки земјоделски култури за двасеттина проценти и раст на извозот за дури 40 насто – рече министерот Димовски.

Македонските фармери да ги користат обновливите извори енергија во земјоделството и руралните средини зошто тие освен заштита на животната средина значат и намалување на производните трошоци. Ова е основата на која се темели втората фаза од проектот „Агроенергија“ што официјално почна да се реализира и ќе трае до декември 2012 година.

- Искористувањето на обновливите извори енергија во руралните средини се темели на користење енергија од земјоделството во земјоделството. Тоа директно влијае врз заштитата на животната средина и врз намалување на негативното влијание од користењето на фосилни горива. Ова е една од значајните мерки за прилагодување кон глобалните климатски промени, рече министерот за земјоделство, шумарство и водостопанство Љупчо Димовски.

Ј а в е н О Г Л А С       бр. 09/10

за давање во закуп на земјоделско земјиште во државна сопственост

I. ПРЕДМЕТ НА јавниот ОГЛАС

Се дава во закуп земјоделско земјиште во државна сопственост за регионот Радовиш за површина од 35ха 68ар 39м²

Додаток за превземање: 

Јавен оглас Радовиш(3).pdf

- Министерството за земјоделство, шумарство и водостопанство од Законот за семенски и саден материјал на земјоделски растенија донесе два подзаконски акта (Правилници) кои се усогласени со ЕУ директивите како и од Законот за селекционерски права ги донесе следниве подзаконски акти (Правилници)

1. Правилник за постапките и методите за испитување на различност, еднообразност и стабилност на сортата(DUS- тест) кај земјоделските растенија. (Службен весник на Република Македонија бр. 110/10) во согласност со техничките упатства и барањата на Меѓународната Конвенција за заштита на нови сорти(UPOV- конвенцијата)
2. Правилник за формата и содржината на барањето за продолжување на запишувањето на сортата во националната сортна листа, како и начинот  и постапката за продолжување на запишувањето. (Службен весник на Република Македонија бр. 137/10)
Додаток за превземање: 

Правилник за формата и содржината на сортата.pdf
Додаток за превземање: 

Правилник за доделување на селекционерски права.pdf
Додаток за превземање: 

Правилник Комисија Заштита Раст Видови.pdf
Додаток за превземање: 

Правилник DUS-Тест.pdf

Во рамките на посетата на заменик министерот за земјоделство,шумарство и водостопанство Перица Иваноски на Полска и на Холандија која беше реализирана оваа недела, беа остварени поголем број разговори со претставниците на министерството за земјоделство и рурален развој и Агро-економскиот Институт на Република Полска поврзани со евроитегративниот процес. Во рамките на работните средби во министерството, беа отворени поголем број прашања поврзани со искуството на Р. Полска во процесот на пристапување кон ЕУ, како и искуствата со политиките за надминување на структурните недостатоци како што се консолидација на земјоделското земјиште, науката и истражувањето во земјоделската област, и здружување на земјоделските производители во задруги и кооперативи. Покрај ова, на средбата во министерството беше дискутирано и за претстојното претседателството на Р. Полска со ЕУ, односно можноста за политичка поддршка на Р. Полска за евро-интегративниот процес на РМ во текот на претседателството со ЕУ.На средбата во економскиот институт беа дискутирани прашања во врска со финализацијата на воспоставувањето на Мрежата за воспоставување на сметководствени податоци на ниво на фарма (ФАДН), кој во РМ успешно се реализира со техничка поддршка од овој институт.