Соопштенија

Земјоделскиот сектор во Македонија успешно се соочи со последиците од светската економска криза. Како резултат на неколкугодишната активна буџетска поддршка, поголеми потреси немаше, а со донесувањето интервентни мерки Владата успеа да ги заштити производителите и да ги стабилизира пазарите, рече ресорниот министер Љупчо Димовски во обраќањето на традиционалната манифестација „Факултет-стопанство“ што денеска, по 35-ти пат, ја одбележува Факултетот за земјоделски науки и храна.

- Многукратното зголемување на субвенциите  во изминативе четири години кое достигна 100 милиони евра и правилно креираната политика за развој на аграрот беа основа за генерално стабилизирање на секторот. Успешно ги надминавме сите кризни периоди, во овоштарството, поледелството и во сточарскиот сектор, напомена Димовски.

Од годинашните 100 милиони евра субвенции за земјоделството досега се исплатени преку 66 проценти, додека од поддршката за рурален развој, 10 милиони евра, се реализирани 72 отсто, најголем дел за обновување на земјоделската механизација.

Mинистерот за земјоделство,шумарство и водостопанство Љупчо Димовски денеска ја отвори регионалната работилница на тема ,,Маркетинг на производи од дрво,, што се одржува во Маврово.На работилницата учествуваат претставниците на  Централната Европска Иницијатива, Канцеларијата за шумарство и дрво на UNECE и FAO, Австриското Министерство за надворешни работи како и на Регионалната канцеларија на FAO за Централна и Источна Европа.

Решавање на проблемот со оранжериите и нивно препознавање од страна на Државниот катастер, издавањето на дозволите за градба на земјоделски капацитети,олеснување на постапктите за распределба на државно земјоделско земјиште и понатамошно раситнување на земјоделското земјиште,се главно целите на Предлог законот за изменување и дополнување на Закон за земјоделско земјиште истакна заменик министерот за земјоделство,шумарство и водостопанство Перица Иваноски на Јавната расправа по текстот на Предлог Законот.

На јавната расправа покрај претставниците на државните институции кои имаат надлежности во делот на предложените измени и дополнувања на законот беа поканети и претставници од Заедницата на едниците на локалната самоуправа, Стопанската комора на Република Македонија, Сојузот на стопански комори на Република Македонија, Федерацијата на фармери на Македонија, Сојузот на земјоделци на Македонија и Асоцијацијата на земјоделци на Македонија.

Итен напредок во реформите на полето на земјоделството и руралниот развој во земјите од југо-источна Европа,имплементација на соодветни политики за земјоделство и рурален развој на Европската Унија, интензивирање на регионалната соработка, трговскиот и економскиот развој и улогата на донаторската заедница, мора да се интегрираат во процесот на развој на земјоделството и руралниот развој во земјите од југо-источна Европа.Ова се дел од заклучоците  на четвртиот состанок на министрите за земјоделство кој на 23 и 24 ноември се одржа во Загреб,Република Хрватска.

На состанокот организиран од Министерството за земјоделство, рибарство и рурален развој на Хрватска и Постојаната работна група (SWG) за регионален рурален развој на југо-источна Европа беше заклучено дека се неминовни реформи во политиката за земјоделство и рурален развој и нивно прилагоидување со Заедничката земјоделска политика на ЕУ.

Министерот за земјоделство, шумарство и водостопанство Љупчо Димовски денеска учествуваше на отворањето на четвртиот Годишен работен состанок на министрите за земјоделство на земјите од Југоисточна Европа кој ќе се одржи денес и утре во Загреб, Република Хрватска. Состанокот го отвори хрватскиот министер за земјоделство, рибарство и рурален развој на Република Хрватска и хрватсакиот премиер Јадранка Косор.  
Во своето обраќање министерот Димовски истакна дека земјите од југо-источна Европа  поминуваат низ еден од најкомплексните процеси на ова време, интеграцијата во Европската унија.