Новости

Министерот за земјоделство, шумарство и водостопанство Михаил Цветков, и заменик министерот Зоран Коњановски,м денеска се сретнаа со претставници на мелничко пекарската индустрија.

Овој состанок е продолжение од претходниот каде што се разговараше за претстојната жетва и откуп на пченицата. Заеднички со мелничко – пекарската индустрија се анализираа количините кои ќе се добијат од годинешната реколта, како и планираните количини кои треба да се откупат.

Министерството за земјоделство ќе ги превземе сите потребни мерки кои се  во негова надлежност со цел извршување на квалитетен откуп на пченицата од годинешнава реколта. Засилени контроли на граничните премини, но и на внатрешниот пазар од страна на Државниот инспекторат за земјоделство за да се спречи  увоз на неквалитетно брашно и пченица, како и примена на законските правила во производството и во откупот на лебното жито се дел од заклучоците кои беа донесени на денешниот состанок.

Министерот за земјоделство,шумарство и водостопанство Михаил Цветков и заменик министерот, Зоран Коњановски денеска одржаа работен состанок со претставници на здруженијата на земјоделци. Тема на состанокот беше подготовките за жетва и откуп на пченицата од претстојната реколта.

Со денешната средба започнуваат низата средби со производителите и преработувачите кои ќе придонесат за квалитетно извршување на жетвените активности. Земјоделците побараа на наредните состаноци да се вклучат и претставници на мелничко-пекарската индустрија со кои ќе се разговара за откупот на пченицата.

Беше договорено од сите институции, а посебно од државниот инспекторат за земјоделство, будно да се следи ситуацијата со подготовката и текот на жетвата како и со самиот откуп на пченицата.

Министерството за земјоделство, беше заклучено на состанокот, ќе ги преземе сите потребни мерки за да се создадат услови за навремен почеток и квалитетен откупот на пченицата.

Успешниот земјоделски сектор постигна одлични резултати во 2013

Љупчо Димовски, Министер за земјоделство, шумарство и водостопанство,  зборува за последните случувања и идните планови на неговото министерство.

European Times: Дали можете да дадете резиме на работата во земјоделскиот сектор во 2013година?

Над 200 милиони евра за десет години ќе инвестира Владата во рехабилитација, реконструкција и изградба на системи за наводнување. За една деценија според планот предвидено со вода за наводнување да бидат опфатени околу 85.000 хектари земјоделски површини, а исто толку и за одводнување. Реализацијата на проектот ќе започне од почетокот на следната година. Документот за реализација на овој проект е изготвен и во наредните неколку месеци ќе биде отворена јавна дебата пред земјоделците, експертите, земјоделските компании и сите инволвирани страни. Овој проект е стратешки документ за понатамошен развој на системите за наводнување во државата и за развој на целокупното земјоделството.

Министерот за земјоделство, шумарство и водостопанство, Љупчо Димовски денеска го посети карбинското село Трогерци, до кое нема асфалтиран пат, а во неговиот атар има од 3.000 до 4.000 хектари плодна земјоделска површина и преставува најплодната житница во штипско-карбинскиот регион.

Жителите на селото Трогерци, кои одамна се иселиле а сакаат да се вратат да ги обработуваат своите површини на лице место го образложија проблемот со патот до селото.

Димовски истакна дека ќе излезе во пресрет на барањата на жителите на Тргоерци, а општините Штип и Карбинци треба да поднесат барање и проект до Министерството за да биде дел од Програмата за рурален развој за 2015 година.

- Тоа не се големи финансиски средства, но се многу важни прво за земјоделците, второ за луѓето кои што сакаат да се вратат во селото заради тоа што токму тоа нуди можност за обработување на земјоделската површина и за производство на храна, која нам ни е потребна, рече министерот Димовски.