Новости

За поднесување барања за посетување на почетна обука за проценувачи од областа на земјоделство.

Се повикуваат сите заинтересирани лица кои ги исполнуваат условите за посетување на почетна обука за проценувач да поднесат барање за посетување почетна обука за проценувач од областа на Земјоделство.

Додаток за превземање: 

izvestuvanje-pochetna_oduka_zemjodelie.pdf

Министерството за земјоделство, шумарство и водостопанство, по добиените сознанија од теренот  за нелегално производство на тутун, преку Државниот инспекторат за земјоделство изврши неколку контроли во периодот од 05 до 15 септември во атарот на селата Могила и Кукуречани.

При контролата констатирано е дека има нелегално производство на широколисен тутун на околу 60 хектари, за кој нема склучени договори со откупни претрпијатија. Нелегално производство е пронајдено кај 24 физички лица, на кои согласно Законот за тутун им е изречена казна во висина од 600 евра и им се издади решенија за забрана на производство и пласман на овој тип на тутун.

Инспекторите повторно извршија контрола  и констатираа дека од 24-те лица, 12 не се придржувале на решенијата за забрана за производство и пласман, поради што на овие лица согласно Законот за тутун ќе им биде изречена казна од 1.500 евра.

Во тек е координирана акција со Министерството за внатрешни работи за одземање на нелегалното производство на тутун.

На земјоделците од денеска им е достапен нов тип осигурување. Моделот кој во светот е пракса, а Македонија го воведува прва во регионот, предвидува фер и навремено обесштетување за секоја култура поединечно според просечниот принос на ниво на општина. Исплатата ќе се врши автоматски, наместо со теренска проценка.

Како што информира заменик-министерот за земјоделство, шумарство и водостопанство Ванчо Костадиновски, новото т.н. индексно осигурување стартува со полиси за приносите на есенската пченица и јачменот, а наскоро ќе биде достапно и за пролетната пченка и винското грозје. Развиено е и поддржано од реосигурителната компанија Европа Ре и го нудат единствено домашните друштва.

- Станува збор за уникатен пристап кој ги третира сите земјоделци подеднакво. Фактот дека го воведуваме први во регионот е одличен показател за грижата и стратегискиот пристап на Владата во поддршката и развојот на земјоделството, истакна Костадиновски на прес-конференција.

Со формирањето на Акционерското друштво за водоснабдување во државна сопственост, земјоделците очекуваат дека наводнувањето ќе биде поефикасно и ќе се подобрат услугите што им се нудат, со што и приносите ќе бидат поголеми.

По денешната јавна расправа организирана од ресорното Министерство за Предлог-законот со кој се предвидува формирање на новото Акционерско Друштво, претседателот на Асоцијацијата на земјоделци Ефтим Шаклев изјави дека досега имале голем број проблеми, но оти со формирањето на новото водостопанско претпријатие тие ќе бидат надминати.

- Во следните 10 години Владата планира да инвестира околу 200 милиони евра за наводнување и затоа е потребно со овие средства да се управува од едно место бидејќи во спротивно многу тешко тие ќе бидат ефективно употребени. Мора да се знае каде одат тие средства и на кој начин тие се трошат. Мора од едно место да се управува наводнувањето, бидејќи се поголеми проблеми имаме со климатските промени, истакна Шаклев.

Годинава за  рурален развој се обезбедени дополнителни 140 милиони денари кои до крајот на годината преку  проекти треба да ги искористат општините од руралните средини во Македонија, истакна заменик-министерот за земјоделство, шумарство и водостопанство Ванчо Костадиновски по денешната посета на Општината Чешиново-Облешево.

Костадиновски ја почна работната посета во село Кочичино каде што е во тек изградбата на фекална канализација во должина од 7,5 километри, вредна 14 милиони денари. Средствата за овој проект се обезбедени од Агенцијата за финансиска поддршка во земјоделството и руралниот развој.

Заменик-министерот го посети и мостот на Злетовска Река кај селото Жиѓанци со кој се поврзуваат општините Пробиштип и Чешиново – Облешево и за кои преку Агенцијата за рурален развој се инвестирани 14 милиони денари.