Новости

Почна масовната акција за дезинсекција и дезинфекција во бачилата за да се спречи ширењето на болеста син јазик, изјави денеска заменик-министерот за земјоделство Ванчо Костадиновски при посетата на штипскиот регион каде изврши увид како се спроведува сетот мерки кои ги донесе Владата за да се спречи ширењето на болеста син јазик.

Според Костадиновски, моментно во сите одгледувалишта во Македонија согласно Акцискиот план со име и презиме се определени точно кои лица од Агенцијата за поттикнување на развојот на земјоделството и од Ветеринарниот инспекторат ќе бидат присутни на лице место. - Ние се надеваме дека со примената на овие мерки како што имавме прилика да видиме од страна на ветеринарниот лекар од Ветеринарната станица-Штип веќе и ги спроведува. Будно ќе ја следиме состојбата, ќе бидеме присутни секаде. На крајот на месецот ќе имаме и генерална поточна слика за целосната состојба и за презементите мерки за да се спречи ширењето на болеста син јазик,  изјави Костадиновски.

Заменик министерот за земјоделство,шумарство и водостопанство Ванчо Костадиновски и директорот на Агенцијата за храна и ветеринарство  Дејан Рунтевски при посетата на Пехчево разговараа со сточарите за добиточнета болест „син јазик„.

Од сточарите беа информирани дека болеста сериозно го има загрозено добиточниот фонд и оти доколку продолжи нејзиното ширење ќе се намали и производството на млеко и млечни производи и извозот на јагниња.

- Состојбата е дотолку сериозна што болеста „син јазик“ синиот јазик ги има зафатено подрачјето, не само на Мелешевијата, туку и на територијата на целата држава. Според досегашните пријави од над илјада одгледувачи на овци, има над 6.000  угинати грла овци, изјави заменик-министерот за земјоделство Ванчо Костадиновски.

Тој очекува дека со падот на температурите ќе се намали ширењето на болеста бидејќи таа се пренесува преку мушички кои не се отпорни на пониски температури.

Во изминатите две години преку Проектот за воведување на системот „капка по капка“ при производство на пченка, кој Владата го спроведува во соработка со УСАИД постигнати се големи резултати. Од еден хектар се очекува принос од над 130 тони силажа во услови кога просечниот принос во Македонија изнесува околу 23 тони на хектар, изјави министерот Михаил Цветков при денешната посета на поле со пченка во битолско.

Како дел од овој проект беа опремени вкупно 160 полиња од по еден хектар низ цела Македонија од кои исто така очекуваме извонредни приноси. Со тоа се потврдува дека системите „капка по капка“ овозможуваат ефикасно искористување на водата и високи приноси, нагласи министерот Цветков.

Затоа од наредната година планираме да ги зголемиме субвенциите преку Програмата за руралниот развој за набавување на вакви  системи со што оваа технологија ќе стане достапна за поголем број на земјоделци.

Министерот за земјоделство, шумарство и водостопанство Михаил Цветков денеска присуствуваше на презентацијата на физибилити студијата за наводнување на пелагонискиот регион и можностите за проширување на мрежата во општините Битола, Могила и Новаци, изработена од Центарот за развој на пелагонискиот плански регион со седиште во Битола.

Владата на Република Македонија, најави министерот Цветков, во наредните 10 години, ќе вложи 200 милиони евра во системите за наводнување и изградба на нови.

Десет тони нелегално произведен тутун е одземен денеска од 24-та производители во Могила и Кукуречани кои не ја почитуваа забраната за производство што им ја изрече Државниот инспекторат за земјоделство.

Државниот инспекторат за земјоделство со акцијата почна на 1-ви овој месец откако на 25 август годинава ЈП Стрежево побара документација за површини туну кои се наводнуваат. По направената идентификација на површините, од 5-ти сепември почнаа и  контролите на терен.

-Од 5 до 15 септември во атарот на селата Могила и Кукуречани извршивме неколку контроли. Констатирано е дека има нелегално производство на широколисен тутун на околу 60 хектари за кој не се склучени договори со откупни претрпијатија. Нелегално производство беше пронајдено кај 24 физички лица, на кои согласно Законот за тутун им е изречена казна во висина од 600 евра и им се издадени решенија за забрана на производство и пласман на овој тип на тутун, информира Стаменов.