Соопштенија

1. Правилник за видот на активностите кои се предмет на поддршка, условите за финансирање, дефинирање на корисниците, општите и посебни услови за доделување на поддршката, детален преглед на прифатливи трошоци и начинот и правилата за визуелен идентитет на активностите

2. Правилник за видот и обемот на активностите кои се предмет на поддршка, условите за финансирање, дефинирање на корисниците, општите и посебните услови за доделување на поддршката, детален преглед на прифатливи трошоци и начинот и правилата за визуелен идентитет на активностите

3.Правилник за начинот на запишување на давателите на советодавни услуги во евиденцијата и потребната документација за запишување во евиденција како и начинот на водење на евиденција

Додаток за превземање: 

Основ 66 Став 9.pdf

Додаток за превземање: 

Основ 69 став13.pdf

Додаток за превземање: 

Запишување на даватели.pdf

Државниот инспекторат за земјоделство, како што беше договорено на вчерашниот состанок во министерството за земјоделство,шумарство и водостопанство од денеска ги координира  активностите на Сојузот на здруженијата на тутунопроизводителите  и на откупните компании за тоа кои пунктови и во кои населени места ќе има потреба да се отворат пунктови за прифаќање на преостанатите количества тутун.

Според информациите од терен добиени од инспекторатот во некои населени места во прилепско и во радовишко и денеска се вршел откуп,а во наредните денови по извршениот увид треба да бидат отворени дополнителни пунктови.

На овој начин ќе им се излезе во пресрет на тутунарите кои не успеаја навреме да го предадат родот поради бојкотот непосредно по почетокот на откупната кампања.

Во наредните денови ќе се откупат минималните количини тутун што не беа преземени до завршувањето на законскиот рок за откуп -  15 март. И за дополнително откупените количини и по законскиот рок, тутунарите ќе добијат субвенција од државата од едно евро за килограм. Ова беше констатирано на денешниот работен состанок на министерот за земјоделство, шумарство и водостопанство Љупчо Димовски со претставниците од Државниот инспекторат за земјоделство, од откупните тутунски компании и членовите на Сојузот на здруженија на тутунопроизводители.

Според последниот извештај од државниот инспекторат за земјоделство кампањата за откуп на тутунот е на самиот крај.Вкупно откупеното количество говори дека скоро целата реколта е откупена.Останати се многу мали колучества неоткупен тутун.Во долненскиот и во радовишкиот регион во текот на денешниот и утрешниот ден ќе се врши откуп што претставува законски определен рок.

Доколку остане било кое количество неоткупен тутун, државниот инспекторат за земјоделство ќе дозволи да биде откупен од страна на откупувачите со цел да им се излезе во пресрет на тутунопроизводителите кои имаат повеќе тутун од договореното.

Согласно Законот за тутун до 25 март тутунарите треба да го пријават новото производство во подрачните единици на министерството за земјоделство.Договорите со откупните компании земјоделците треба да ги склучат најдоцна до 10 април и тоа во согласност со новиот правилник за откуп.

Со одржување информативни и едукативни семинари, Министерството за земјоделство, шумарство и водостопанство од денеска ја почнува кампањата за имплементирање на системот за идентификација на земјишните парцели (СИЗП).

Евидентирањето на земјоделските парцели ќе биде еден од задолжителните критериуми за добивање субвенции, но претставува и предулов за пристапување на Македонија во Европската унија.