Новости

Зголемување на конкуретноста на македонските земјоделското производство и прехранбената индустрија, развој на руралните средини, поддршка за формирање на земјоделски задруги и одржливо управување со природните ресурси се дел од целите на новата Нацрт - стратегија за земјоделство и рурален развој што ќе се имплементира од 2015 до 2020 година.

Овие цели се очекува да се реализираат преку низа проекти за модернизација на земјоделско-прехранбениот сектор, подобрување на квалитетот на земјоделските производи и едукација на земјоделците. Се планираат и сериозни инвестиции од страна на државата во изградба на инфраструктурата во руралните средини, а како дел од ова се и 20-те милиони евра што годишно ќе се вложуваат за подобрување на водостопанскиот систем.

Очекувањата се дека со релизацијата на овие цели ќе се подобрат позитивните параметри во земјоделскиот сектор како што се зголеменото производство и извоз на земјоделските производи и зголемување на БДП во земјоделството.

Единаесет земјоделски задруги денеска потпишаа договори со Агенцијата за финансиска поддршка во земјоделството и руралниот развој за набавка на механизација во вкупна вредност од 21 милион денари.

Средствата ќе се искористат за набавка на 18 различни видови земјоделска опрема и механизација.

Со ова се заокружува годинашната програма преку која со кофинансирање од 90 проценти задругите можат да набават различна земјоделска опрема.

Годинава, за оваа цел Владата одвои 161 милион денари, од кои покрај денешните договори, беа потпишани и договори со 612 индивидуални земјоделци во вкупна вредност од 140 милиони денари со стапка на ко-финансирање од 50%.

- Земјоделството без механизација не може да биде конкурентно и затоа како Влада посветуваме големо внимание и овозможуваме субвенционирање за задругите од 90 проценти за набавка на опрема, изјави министерот за земјоделство Михаил Цветков по потпишувањето на договорите.

Влада на Република Македонија

Министерство за земјоделство, шумарство и водостопанство

Врз основа на член 21 од Законот за земјоделското земјиште („Службен весник на Република Македонија“ бр.135/07, 18/11, 148/11, 95/12, 79/13, 87/13, 106/13, 164/13, 39/14 и 130/14), по Одлуката бр.22-10067/1 од 29.10.2014 година Министерот за земјоделство, шумарство и водостопанство, распишува

Ј а в е н О Г Л А С    бр.05/14

за давање во закуп на земјоделско земјиште во државна сопственост до 10 хектари

Додаток за превземање: 

05.pdf

Додаток за превземање: 

povrsini bitola 05-14.pdf

Додаток за превземање: 

povrsini gazi baba 05-14.pdf

Додаток за превземање: 

povrsini gostivar 05-14.pdf

Додаток за превземање: 

povrsini kisela voda 05-14.pdf

Додаток за превземање: 

povrsini prilep 05-14.pdf

Додаток за превземање: 

povrsini resen 05-14.pdf

Додаток за превземање: 

povrsini tetovo 05-14.pdf

Од март почнува електронската евиденција на тутунот со што ќе се надмине проблемот со склучување двојни или тројни договори за иста површина на тутун.

Тутунопроизводителите како и досега ќе треба да ја пријават новата реколта во подрачните единици на Министерството за земјоделство, но наместо досегашните евидентни картони, податоците ќе се внесуваат електронски. Од друга страна истата обврска ќе ја имаат и откупувачите.

- На овој начин преку измената на Законот за тутун и тутунски производи, ќе се избегне долгогодишната практика на склучување двојни и тројни договори за иста површна на тутун. Исто така, ќе се обезбеди и заштита на двете договорени страни од можни манипулации во целиот процес на договарање, производствени и откуп на тутун. Сакаме да ги регулираме прашањата во оваа област, истакна заменик-министерот за земјоделство Ванчо Костадиновски на денешната прес-конференција.

Министерот за земјоделство, шумарство и водостопанство Михаил Цветков учествува на Форумот за соработка во областа на земјоделството помеѓу Народна Република Кина и земјите од Централна и Источна Европа.

Обраќајќи се на Форумот, министерот Цветков истакна дека Владата на Република Македонија интензивно работи на создавање поволна клима за инвестирање на заинтересирани странски компании, притоа обезбедувајќи техничка помош и административни олеснувања за реализација на инвестицијата.

Форумот е во организација на Министерството за земјоделство и рурален развој на Романија, во рамките на меѓународниот саем на производи и опрема за земјоделството, градинарството, лозарството и сточарството - ИНДАГРА 2014 година во Букурешт.

Министерот Цветков денеска ќе оствари средба и со домаќинот заменик претседател на Владата на Романија и министер за земјоделство и рурален развој Даниел Константин со кој ќе разговара за соработката и размената на искуства во процесот на евроинтеграциите на нашава земја.