Денеска се исплатија 82 милиони денари за субвенции за овошни и лозови насади и за штетите од ланските поплави во општина Гази Баба. Од вкупната исплатена сума, 28 милиони денари се за субвенции за одржување на овошни насади за 544 овоштари. Осум милиони денари се исплатија за субвенции за одржување на лозови насади за 252 земјоделци. А останатите 46 милиони денари се за надомест на штети од поплавите што се случија во 2016 година во општина Гази Баба, поточно за штети на пластеници и за повеќегодишни насади.

Ве информираме дека во завршна фаза е обработката на решенијата за исплата на преостанатите субвенции за 2016 година.

Министерството за земјоделство,шумарство и водостопанство е свесно за состојбата во која што се наоѓаат овоштарите од Преспанскиот регион. Токму затоа се прават напори да се излезе во пресрет на земјоделците и на нивните барања.

Едно од нивните барање и причина за револт се дел од неисплатените субвенци, и затоа ги информираме  дека денеска се изготвени решенијата за исплата на 544 овоштари во висина од 28 милиони денари, пари кои производителите ќе ги добијат на почетокот на следната недела.

Што се однесува околу исплатата на обештетувањето за ланските пролетни мразеви во Преспанскиот регион, Министерството за земјоделство, шумарство и водостопанство  подготви Информација која ќе се разгледува на една од следните владини седници.

Воедно, ги информираме и останатите земјоделци, дека освен за овоштарство, изготвени се и решенијата за исплата на субвенции за лозарство и за штетите од невремето во општина Гази Баба. Исплатата и на овие субвенции ќе биде на почетокот на следната недела.

Министерот за земјоделство, шумарство и водостопанство Љупчо Николовски, денеска имаше средба со претставници од мелничко-пекарската индустрија, кои откупуваат пченица во земјава. На средбата мелничарите откупувачи ги презентираа информациите за состојбата со годинешната жетва на пченица и проблемите со кои се соочуваат.

Претставниците од мелничко-пекарската индустрија доставија предлози како да се надминат последиците од годинешната лоша жетва, но и барања за решавање на проблемите во оваа индустрија.

Во согласност со член 11 од Уредбата  за утврдување на меѓусебните односи на органите и структурите во рамките на системот за индиректно управување со Инструментот за претпристапна помош (ИПА II) (Службен Весник на Рeпублика Македонија  бр. 54/16) и Внатрешни постапки за работа на Телото за управување со ИПАРД

Министерство за земјоделство, шумарство и водостопанство (МЗШВ)

на ден 25.07.2017 година

објавува

Ј А В Е Н   П О В И К

за пројавување на интерес бр. 01/2017

Додаток за превземање: 

javen_povik_za_projavuvanje_interes_ipard.pdf

Во рамки на дводневната официјална посета на Босна и Херцеговина, министерот за земјоделство, шумарство и водостопанство Љупчо Николовски, денеска потпиша Меморандум за соработка во областа на земјоделството со министерот за надворешна трговија и економски односи на Босна и Херцеговина, Мирко Шаровиќ.

Потпишувањето на Меморандумот претставува чекор напред во реализација на утврдените активности од заеднички интерес, за чие што успешно остварување во наредниот период треба да работат тимови од двете земји. На билатералната средба, министерите Николовски и Шаровиќ,  се договорија тимовите од двете земји да се формираат што поскоро, за да почнат со конкретни чекори.