Соопштенија

Земјоделството во Република Македонија има големо значење како стопанска гранка и преку Програмата за финансиска поддршка во последните неколку години вложуваме и до 500 милиони евра кои даваат позитивни ефекти, а искуството и соработката со Израел како една од водечките земји во однос на земјоделското производство, особено во наводнувањето е особено значајно, истакна министерот за земјоделство, шумарство и водостопанство Љупчо Димовски на денешната билатерална средба со израелска делегација предводена од Орит Нокед, министер за земјоделство и рурален развој на Израел.

На средбата меѓу другото беа договорени и конкретни проекти кои се однесуваат на семе производството и на наводнувањето. Во Македонија, со поддршка на Израел,  за 45 дена ќе почне да  се гради центар за производство на сертифициран семенски и саден материјал.

Директорот на Државниот инспекторат за земјоделство Румен Стаменов согласно разговорите помеѓу Владата, откупувачите и лозарите и согласно  законот за вино при откупот на грозјето, на денешната прес конференција информира дека во наредниов период инспекторатот ќе врши интензивни и засилени континуирани контроли кај сите регистрирани откупувачи на грозје.

За таа цел се формирани посебни тимови од инспектори кои  постојано ќе ја контролираат работата на секој откупен пункт односно на секој регистриран откупувач. Стаменов укажа дека не смее да се врши откуп на локации кои не се пријавени како откупни места, на секое откупно место задолжително да се истакнуваат откупните цени и тоа 10 дена пред започнувањето на откупот. Истовремено се предупредуваат  винарниците, односно регистрираните откупувачи на грозје дека доколку  извршат откуп на грозје ,без при тоа да имаа склучен писмен договор со лозарите, согласно законските одредби, нема да добијат субвенции и истовремено ќе бидат законски санкционирани.

Се известуваат сите заинтересирани субјекти дека на ден 31.08.2011 година (среда) со почеток во 10 часот во просториите на Македонија Табак (сала за состаноци, приземје) ќе се изврши јавно отворање на пристигнатите понуди од Јавниот конкурс за давање на концесија на рибите за организирање на рекреативен риболов на риболовните ревири и рекреативните зони објавен во Службен весник на Република Македонија бр.45/11), во дневните весници и на веб страната на министерството за земјоделство, шумарство и водостопанство.

Лозарите кои ќе го предадат грозјето во регистрирани винарски визби ќе добијат по два денара за килограм финансиска поддршка од државата. Винарите, пак, за откупен килограм бело грозје по минимум осум денари ќе добијат 1,5 денари стимулација, а за црвено грозје откупено по најмалку 10 денари ќе добијат 2,5 денари поддршка.

Oва се владините мерки за помош во лозaраството што министерот за земјоделство, шумарство и водостопанство Љупчо Димовски и неговиот заменик Зоран Коњановски денеска им ги соопштија на производителите во кавадаречкото село Сопот.

Владата, информира Димовски, ќе обезбеди дополнителна поддршка за винариите што ќе откупат поголемо количество грозје од просекот во 2009 и 2010 година. Предвидени се по два денара за килограм бело и три денари за килограм црвено грозје.

- Владата на синоќешната седница ја усвои измената на Програмата за директна поддршка во земјоделството. Целта на предвидените мерки е да се стимулира откупот, истакна Димовски.