Новости

Денеска министерот за земјоделство, шумарство и водостопанство Љупчо Николовски заедно со директорот на Платежната агенција, Николче Бабовски, во рамки на посетата на владината делегација предводена од премиерот на Владата на РМ Зоран Заев, во Љубљана, Р. Словенија, имаа средба со  словенечкиот министер за земјоделство Дејан Жидан и директорот на словенечката Платежна агенција Бенедикт Јаренко.

На средбата министрите и директорите разговараа за моменталните проекти и активности кои се од голема важност за македонското земјоделство, како што е ЛИДЕР Програмата, формирањето на Локалните акциски групи, како и јакнење на капацитетите на македонската Платежна агенција.

На средбата министерот Жидан и директорот Јаренко, ја повторија нивната заложба за експертска и техничка помош во делот на зајакнување на советодавната служба на македонската Платежна агенција.

Министерот за земјоделство, шумарство и водостопанство Љупчо Николовски, присуствуваше на третата регионална работилница на ФАО за консолидација на земјоделско земјиште, што се одржа во Струмица. Проектот „MAINLAND“, финансиран од Европската Унија, го споведува Организацијата за храна и земјоделство на Обединетите нации (ФАО), заедно со Министерството за земјоделство, шумарство и водостопанство. Целта на работилницата беше  да се зголеми локалната свест и разбирање за придобивките од консолидацијата на земјоделско земјиште за земјоделците и сопствениците на земјоделско земјиште. Консолидација на земјиштето е комплексен процес што треба да ги мотивира земјоделците да ги решаваат имотно-правните проблеми заради зголемување на конкурентноста на земјоделското производство и подобрување на условите за живот во руралните средини со одржливо користење на природните ресурси.

Окрупнувањето на земјоделското земјиште е неопходен чекор за развој на македонскиот аграр, посочи министерот министерот за земјоделство, шумарство и водостопанство Љупчо Николовски.

Министерот за земјоделство, шумарство и водостопанство Љупчо Николовски, денеска имаше средба со новоименуваниот амбасадор на Република Чешка во Република Македонија, Мирослав Томан. На средбата се разговараше за идните конкретни активности за унапредување на билатералната соработка во областа на земјоделството меѓу девте земји.

Министерот  Николовски, истакна дека во периодот што следува е многу важна поддршката на македонските институции во процесот на прилагодување кон Европската унија и  во искористување на  претпристапните фондови од ЕУ за земјоделство и рурален развој.

Беше предложена иницијатива за потпишување на Меморандум за разбирање меѓу двете министерства каде ќе се утврдат областите на заеднички интерес и формите на идната соработка.

Министерот за земјоделство, шумарство и водостопанство, Љупчо Николовски, денеска имаше работен состанок со 13 директори на органите и секторите кои се под надлежност на Министерството за земјоделство, шумарство и водостопанство. На состанокот, се анализираа актуелните состојби во земјоделските сектори. Присутните  директори, секој поединечно ги елаборираа начинот на работа и идните планови за подобро функционирање.

Министерот Николовски посочи дека со цел да може тековно да се следи работата на сите сектори и органи во составот на МЗШВ, како и да се обезбеди помош, соработка и целосна поддршка од МЗШВ и Владата на Република Македонија, договорено е секој понеделник да се одржува колегиум со раководителите на секторите во министерството, а секој петок министерот, заменикот министер и државниот секретар на МЗШВ да одржуваат состанок, на кој по потреба ќе ги повикуваат директорите на Агенциите, Управите, Инспекторатите и Јавните претпријатија под надлежност на МЗШВ.

Денеска во Битола се одржа втората регионална работилница на ФАО за консолидација на земјоделско земјиште. Проектот „MAINLAND“, финансиран од Европската Унија, го споведува Организацијата за храна и земјоделство на Обединетите нации (ФАО), заедно со Министерството за земјоделство, шумарство и водостопанство. Целта на работилницата беше  да се зголеми локалната свест и разбирање за придобивките од консолидацијата на земјоделско земјиште за земјоделците и сопствениците на земјоделско земјиште. Консолидацијата односно окрупнувањето на земјоделското земјиште е важен процес за македонското земјоделство, кој ќе придонесе за зголемување на продуктивноста и конкурентноста на производството, како и за подобра рурална инфраструктура и пристап до системите за наводнување, изјави посебениот советник за земјоделство,шумарство и водостопанство на претседателот на  Владата на РМ, Ленче Николовска.