Соопштенија

Врз основа на објавувањето на Јавен повик 01/2012 за доставување на барања за користење на средства од петтата компонента на Инструментот за претпристапна помош за рурален развој на Европската Унија (ИПАРД Програмата 2007-2013) Секторот за управување со ИПАРД при Министерството за земјоделство, шумарство и водостопанство,  согласно Годишниот акционен план за комуникација за 2012 година, во периодот од 03-15 Мај организира инфо денови со цел запознавање со можностите и начините за користење на средства од ИПАРД Програмата 2007-2013.

Додаток за превземање: 

Акционен план за инфо деновите 01 2012.pdf

Во рамки на 38-та сесија на Европската комисија за земјоделство и 28-та ФАО Регионална конференција за Европа, кои се одржаа од 17 до 20 април 2012 во Баку, Азербејџан, државниот секретар на Mинистерството за земјоделство, шумарство и водостопанство г. Бесир Јашари оствари средба со генералниот – директор на Организацијата за храна и земјоделство на Обединетите Нации – ФАО, г.Жозе Грацијано да Силва.

На средбата се потврди заедничкиот интерес за соработка на полето на безбедноста на храната, одржливото производство и производствените системи, како и искоренувањето на неисхранетоста во светот и развој на земјоделскиот, шумарскиот и прехранбениот сектор.

Државниот секретар, г. Јашари изрази благодарност за поддршката која ФАО ја обезбедува за Република Македонија во минатите години и тоа во форма на развојни програми, техничка помош за модернизација на македонскиот земјоделски, шумарски и прехранбен сектор. Заедничка констатација на државниот секретар Јашари и да Силва е со заложба на двете страни, вака воспоставената соработка да продолжи и во иднина.

Согласно одредбите од Законот за земјоделско земјиште, денеска, Министерството за земјоделство,шумарство и водостопанство објави јавен оглас за давање во закуп на земјоделско земјиште во државна сопственост во 17 региони на целата територија на државава, за вкупна површина поголема од 3642 хектари. Максималната површина за која може да аплицира и да добие еден понудувач е 10 хектари.

Од вкупната огласена површина дури 2165 хектари се во Струмичкиот регион, над 606 во општина Гази Баба, во Дебар 296,4 хектари и 155 хектари во Штип. Според дефинираното во огласот, во Кочани слободни се приближно 82 хектари државно земјоделско земјиште, во Струга околу 68, во општина Чаир 62 и во Крушево повеќе од 38 хектари државно земјоделско земјиште кои со овој оглас се нудат во закуп.

Министерството за земјоделство, шумарство и водостопанство во соработка со ЦеПроСАРД во изминативе два дена во хотел Сириус, Струмица, организираше работилница за изработка на Годишна програма за работа на Потсекторските групи на овошје и зеленчук. Работилницата се организира како дел од активностите на компонентата Зајакнување на јавно-приватниот дијалог преку поефикасно застапување на вредносните синџири за свежо овошје и зеленчук и преработен зеленчук, во рамки на АгБиЗ Програмата, финансирана од УСАИД.

Потсекторските групи се составени од номинирани претставници од здруженијата од областа земјоделското производство, преработката на земјоделски производи и трговијата со земјоделски поризводи. Исто така членуваат и претставници со советодавна улога од високообразовните и научни институции од соодветната област на землоделството, како и претставници од здружение на потрошувачи и АПРЗ на РМ

ИЗВЕСТУВАЊЕ

за поднесување барање за посетување на прва почетна обука за проценувачи за процена на вредноста на средствата во земјоделството

Министерството за земјоделство, шумарство и водостопанство ги повикува сите заинтересирани лица кои ги исполнуваат условите за посетување на прва почетна обука за овластен проценувач, да поднесат барање за посетување на прва почетна обука за проценувачи на вредноста на средствата во земјоделството.

Додаток за превземање: 

Известување