Телото за Управување со ИПАРД при Министерството за земјоделство, шумарство и водостопанство, утре, 27.11.2009 година, ќе организира ИПАРД инфо ден во Штип.

Заинтересираните земјоделци и преработувачи, за ИПАРД Програмата ќе можат подетално да се информираат на семинарот кој че се одржи од 10 до 13 часот, во просториите на општина Штип.

Заменик министерот за земјоделство, шумарство и водостопанство Перица Иваноски,  утре, 27. 11. 2009 година, во 10.30 часот, во Ректоратот на Универзитетот ,, Свети Кирил и Методиј,, , ќе се обрати на присутните на свеченоста  по повод одбележувањето на јубилејот 65-години Земјоделски институт.

ЈАВЕН КОНКУРС

за јавно овластување на правни лица

за вршење на стручна контрола над производството, постконтрола, испитување на сорти,  и овластени лаборатории за испитување на квалитетот на семенски и саден материјал за земјоделски растенија

1. Предмет на овој јавен конкурс е давање на овластување на:

1.1 правни лица за вршење на стручна контрола над производството на семенски и саден материјал за земјоделски растенија

1.2 правни лица за вршење постконтрола на семенски и саден материјал за земјоделски растенија

1.3 правни лица за испитување сорти на семенски и саден материјал за земјоделски растенија

1.4 овластување на лаборатории

Огласот е во додаток документ.

Додаток за превземање: 

javen_konkurs_seme.doc

Петок, 27 .11. 2009 година, во 11 часот во просториите на Министерството за земјоделство, шумарство и водостопанство, ќе се одржи состанок на Агросоветот.

Тема на состанокот е ,,Предизвиците, можностите и условите на државава за користење на средствата од ИПАРД Програмата за периодот 2007-2013 година,,.

Интересот за искористување на парите од ИПАРД Програмата е се поголем и кај земјоделците и кај компаниите од агро секторот.Тие интензивно подготвуваат бизнис планови, а  според сегашниот интерес, најмногу ќе конкурираат за осовременување на земјоделските стопанства, за развивање на руралниот туризам,  но и за реконструкција на штали и модернизирање на млечната и винската индустрија. Ова беше истакнато на денешниот информативен состанок што го организираа Телото за управување со ИПАРД и Агробизнис комората при Сојузот на стопански комори.

Претставниците на Агробизнис комората  информираа дека стопанствениците знаат како да аплицираат за парите од ИПАРД. Покрај домашните, тие консултирале и странски експерти, но имаат забелешки за начинот на кој ќе се делат парите. Нивниот предлог е  да се направат одредени корекции на програмата која како што истакнаа мора да се прилагоди на нашите услови на стопанисување.