Министерот за земјоделство, шумарство и водостопанство Љупчо Димовски и Евроамбасадорот Ерван Фуере денеска извршија обиколка на градежниот објект за ветеринарна и фитосанитарна контрола на граничен премин Табановце.

Со помош на средства од Програмата на CARDS е  подржан проектот “Подршка на Интегрирано Гранично Управување“, управуван и финансиран од страна на Европската Агенција за Реконструкција.

Со проектот како грант се обезбедени финансиски средства во висина од 1.674.356 евра наменети за изградба на објекти за ветеринарна и фитосанитарна контрола на граничниот премин Табановце,а вкупната корисна површина на објектите изнесува 1819 м2.

Управата за семе и саден материјал при Министерството за земјоделство, шумарство и водостопанство изготви Предлог на Закон за изменување и дополнување на Законот за семенски и саден материјал за земјоделски растенија.

За таа цел Ве покануваме на ден 05.05.2010 година- среда во зградата на пораншната Македонија Табак - во салата за состаноци, (приземје) каде ќе биде презентиран горе наведениот Предлог.

Би Ви биле благодарни ако присуствувате на истата и активно се вклучите во расправата.

Додаток за превземање: 

ПРЕДЛОГ НА ЗАКОН ЗА ИЗМЕНУВАЊЕ И ДОПОЛНУВАЊЕ НА ЗАКОНОТ ЗА СЕМЕНСКИ И САДЕН МАТЕРИЈАЛ ЗА ЗЕМЈОДЕЛСКИ РАСТЕНИЈА

Министерот Љупчо Димовски на денешната средба со новинарите ги појасни измените на Програмата за субвенционирање на земјоделството кои беа усвоени на вчерашната седница на Владата. Овие измени се изготвени за потребите за реализација на антикризните мерки кои ги утврди Владата на Република Македонија.

Со измените се поедноставуваат процедурите за остварување на правото на користење на средства од Програмата за финансиска поддршка во земјоделството и тоа во следните насоки: намалување на бројот на потребни документи кои барателите ги доставуваат, а со тоа и намалување на финансиските издатоци на барателите за обезбедување на имотни листови, како и овозможување на меѓусебно компензирање на долговите со субвенциите.

Заменик министерот за земјоделство, шумарство и  водостопанство Перица Иваноски, вчера, во струмичкото село Куклиш ја промовираше првата земјоделска задруга во струмичкиот регион преку која земјоделците организирано  ќе го пласираат своето производство.Годинава,  истакна заменик министерот, заедно со дел од меѓународните организации кои го поддржуваат овој процес, ќе влеземе во една поагресивна кампања за да ги убедиме земјоделците и да им ги презентираме бенефитите од здружувањето и организирањето на земјоделското производство. Тој информира дека во тек е подготовка на прирачник во кој ќе бидат презентирани мерките на Министерството за поддршка и промоција на кооперативите во Република Македонија, за предностите на задругарството, како и за принципите како треба да се организира и функционираат земјоделските здрауги.

Добро би било СДСМ во своето време да направеше еден ваков прес за резултатите од својата работа во делот на борбата против бруцелозата, и кај луѓето и кај животните.Во тој случај, нивниот прес ќе изгледаше вака:

2002-2006 година – константно зголемување на бројот на заболени луѓе на годишно ниво, или во бројки околу 350-400 луѓе.

2002-2006 година – константно зголемување на бројот на заболени животни, или во бројки околу 15.000 животни на годишно ниво. Што е уште пострашно, болните животни не се одземани, туку се оставани на терен и понатаму да ја шират болеста, за што сега ние плаќаме високи трошоци.

2002-2006 година – константно зголемување на износот на средства потрошени за сузбивање на оваа болест, односно во просек околу 110.000.000,00 денари годишно.