Соопштенија

По осумгодишна забрана викендов повторно се ловеше риба со блинкер на Охридското Езеро. Ловот го организираше новиот концесионер „Пастрмка 2012“ што го доби правото да стопанисува со рибниот фонд на Охридското Езеро, согласно добиените одобренија од ресорното Министерството за земјоделство, шумарство и водостопанство.

- По направените анализи и изготвената рибна основа за фондот на Охридското Езеро, во Владата и ресорното Министерство дојдовме до констатација дека постојната ситуација е неодржлива и оти е потребен организиран начин на рибарење на Охридското Езеро, односно издавање согласност за рекреативен, но паралелно и за стопански риболов, изјави денеска во Охрид министерот за земјоделство, шумарство и водостопанство Љупчо Димовски.

Министерство за земјоделство, шумарство и водостопанство ги известува сите корисници/закупувачи на земјоделско земјиште (во државна и приватна сопственост) дека согласно член 23 од Законот за ловството (“Службен весник на Република Македонија“ бр.26/09, 136/11 и 1/12) “забрането е палење на стрништа, плевел и други растителни отпадоци во ловиште“. За ваков вид прекршок се предвидени прекршочни одредби, и тоа со член 77 став (1), глоба во износ од 6.000 до 8.000 евра во денарска противвредност ќе му се изрече за прекршок на концесионерот на дивечот во ловиштето или на друго правно лице, ако во ловиште пали стрништа, плевел или други растителни отпадоци. Согласно член 79 став (1), глоба во износ од 1.500 до 3.000 евра во денарска противвредност ќе му се изрече за прекршок на физичко лице, ако пали стрниште, плевел или други растителни отпадоци во ловиште.

Министерството за земјоделство, шумарство и водостопанство ги известува сите заинтересирани субјекти дека доставувањето на Писмо за интерес за учество на јавен оглас за давање на земјоделско земјиште во државна сопственост во закуп кој беше објавен на 18 јуни 2012 година, се продолжува до 25 август 2012 година.

За тоа каде завршуваат земјоделските субвенции најдобро ќе биде СДСМ да ги праша 171.000 корисници на земјоделските субвенции, македонските земјоделци заклучно со месец јули во целост на нивните сметки ги добија ветените 115 милиони евра земјоделски субвенции за 2011 година, за разлика од одвај 6.000 земјоделци во времето кога тие беа на власт. Дополнително во целост се исплати и поддршката на тутунарите планирана за 2012 година, многу порано од завршување на тековната година.

Субвенциите се исплатени за конкретни земјоделски производи според програма, точно определени, реални, мерливи и видливи, и истите лесно може да се проверат на кого и колку се исплатени на веб страницата на Агенцијата за финансиска поддршка во земјоделството.

За доследна и законска исплата на субвенциите Владата на Република Македонија изгради целокупен систем на правни акти, институции, информациски и контролни системи, усогласени во голема мерка со европските стандарди, кои гарантираат дека парите за субвенциите стигнуваат во вистински раце.  

Согласно измените на Законот за земјоделското земјиште  се овозможува легализација на бесправно изградени објекти и тоа: оранжерии, помошни објекти и објекти за примарна обработка на земјоделски производи кои се изградени до 14 февруари 2011 година.

Постапката за легализација се спроведува преку единиците на локалната самоуправа на чие подрачје се изградени објектите.

Заинтересираните лица барањата за легализација може да ги поднесат во рок од 12 месеци сметано од денот на влегувањето во сила на овој закон.

Како подносители на барање може да бидат:

-  физички лица - државјани на Република Македонија,

-  правни лица регистрирани во Централниот регистар на

Република Македонија и институции кои се иматели на

бесправните објекти

- странски правни и физички лица можат да бидат баратели,

доколку ги исполнуваат условите за стекнување на право