Në patronat të Ministria e Bujqësisë, Pyjeve dhe Ekonomisë së Ujërave dhe Fakultetit të Shkencave bujqësore dhe ushqimit, sot në Panairin e Shkupit u mbajt manifestimi i parë kinologjik i quajtur “Ekspozita e parë botërore për qenin e Sharrit" dhe Kampionati i 17-të shtetëror për qentë e sharrit ose qentë e stanit, ku përveç pjesëmarrjes së qenve nga Maqedonia kishte të ardhur edhe nga Kosova, Serbia dhe Hungaria.

Pero Bozhinovski refer ndërkombëtar për të gjitha racat e qenve të pranuara në botë, gjithsej 345, tha se qeni i Sharrit nga Organizata Botërore Kinologjike është pranuar si racë në vitin 1939 me emrin "Qeni Ilir" që pastaj në vitin 1957 të emërohet si "Qeni i Sharit".

Sa i përket vetë manifestimit, në cilësi të organizatorit, Bozhinovski rrëfen se qentë vlerësohen në bazë të pamjes së tyre të jashtme, në klase të ndryshme, për moshën 3-6 muaj, 6-9 muaj, 9-12 muaj, 12-18 muaj, 18 -24 muaj dhe mbi 24 muaj, ndërsa ka kategori edhe të veteranëve.

Sipas tij, këto parametra dëshmojnë për përgatitjen e këtij lloji të qenit i cili në rastet më të shpeshta përdoret si qen roje i kopeve të deleve, ndërsa në vendet urbane kujdeset për pronat e ndryshme siç janë magazet, shtëpitë etj.

Ekspozita e parë botërore për qenin e Sharrit shpresohet të kaloj në manifestim të rregull vjetor.

Në kuadër të promovimit të politikave të reja në sferën e bujqësisë dhe blegtorisë, një delegacion i lartë i udhëhequr nga Sekretari shtetëror në Ministrinë e Bujqësisë Besir Jashari vizituan prodhuesit e mollave dhe shfrytëzuesit e mjeteve finansiare për pajisje bujqësore në rajonin e Prespës.

Gjatë takimit me prodhuesit e mollave u bë promovimi i politikave në sferën e bujqësisë, u njoftuan bujqit me mënyrat për shfrytëzimin e subvencioneve. Po ashtu u bë promovimi I industries së përpunimit të produkteve bujqësore.

“Rajoni i Prespës, siç dihet, prej kohësh është i njohur për prodhimin e mollëve. Ne jemi këtu që t’i promovojmë politikat e reja në sferën e bujqësisë, por edhe mundësit për shfrytëzimin e subvencioneve. Në kontekst të zhvillimit të përpunimit të produkteve bujqësore, ne inkurajojmë prodhuesit e mollëve që t’i shfrytëzojnë subvencionet që i ofron Qeveria në sektorin e bujqësisë dhe blegtorisë. Për këtë qëllim, për bujqit dhe blegtorët e mjediseve dhe komunave shqiptare, për vitin 2016 janë ndarë 37 milionë euro, shumë kjo që relativisht është konsiderueshme për t’i shtuar kapacitet prodhuese, por edhe për t’u pajisur me makineri moderne që këtyre prodhuesve punën do t’ua bënte më të lehtë. Ne jemi edhe në shërbim të këtyre prodhuesve dhe do të na kenë pranë sa herë që vlerësojnë se kanë nevojë për ndihmën tonë”, tha Sekretari shtetëror në Ministrinë e Bujqësisë, Besir Jashari.

Me datë 11.11.2015 me fillim në ora 11:00, do të mbahet debat me funkcionar të Ministrisë së Bujqësisë, Pylltarisë dhe Ekonomisë së Ujërave, përfaqësues të pushtetit qendror. Në debat do të marrin pjesë edhe organizatat bujqësore dhe blegtorale.

Debati do të mbahet në Qendrën për Kulturë në Tetovë me fillim në ora 11.00.

Më shumë se 10 milion euro janë investuar në bujqësi gjatë dy viteve në vendbanimet shqiptare në Maqedoni për rregullimin e infrastrukturës dhe projekteve tjera jetike për banorët shqiptar konform Programit për zhvillim rural të vitit 2014 dhe 2015. Këtë e ka bërë të ditur sekretari shtetëror në Ministrin e Bujqësisë, Pylltarisë dhe Ekonomisë së Ujërave, Besir Jashari gjatë takimit me kryetarët e komunave shqiptare në Tearcë.

Sipas tij këtij këto projekte ndihmojn që vendbanimet shqiptare të modernizohen me rrugë të reja si dhe të sigurohet ujë i pijshëm dhe system për ujrat e zeza.

Sipas sekretarit shtetëror Besir Jashari, në kuadër të Programit për zhvillim rural,nëpër vendbanimet shqiptare janë investuar gjithsej 10.640.022 euro, ndërsa shfrytëzues dhe realizues të këtyre projekteve janë: Komunat e Likovës, Haraçinës, Sarajit, Zhelinës, Tetovës, Bërvenicës, Tearcës, Jegunovcës, Bogovinës, Vrapçishtit, Komuna e Kërçovës, Pllasnicës, Dollnenit, Dibrës, Strugës dhe komuna tjera si dhe Qendra për zhvillim të rajonit të Pollogut.

Në mesin e projekteve të realizuara radhiten:

Sekretari Shteteror i Ministrisë së Bujqësisë, Besir Jashari dhe Ministri i Ekonomisë Bekim Neziri sot kanë vizituar fermën e pulave “6 Vëllezër” në fshatin Batincë, Komuna e Studeniçanit.

Me këtë rast, delegacioni u prit nga pronarët dhe nje numër i madh i banorëve të fshatit Batincë.Neziri dhe Jashari theksuan se një nga prioritetet Ministrisë së Bujqësisë, Pylltarisë dhe Ekonomisë së Ujërave është stimulimi i zhvillimit të bujqësisë dhe blegorisë, si degë shumë të rëndësishme të ekonomisë vendore. Kjo mbështetje është gjithnjë e më e madhe kohëve të fundit, sidomos për bizneset shqiptare, të cilat përkrahen me forma dhe projekte të ndryshme qeveritare dhe ndërkombëtare.

Njëri nga pronarët e fermës, Suat Suati, falënderoi Ministrinë e Bujqësisë për përkrahjen dhe mbështetjen e vazhdueshme që kanë dhënë për zhvillimin e biznesit të tyre. Bizensi i familjes Saiti është ndër më të avancuarit, ndërsa ferma e tyre ka një kapacitet të lartë prej 125.000 pulave, të cilat pëdoren për vezë dhe mish.

Gjatë ditë Sekretari Shtetëror Jashari së bashku me z. Neziri kanë vizitu edhe Organizatën e bujqve të Komunës së Sarajit.