Министерството за земјoделство целосно ги поддржува ваквите манифестации бидејќи тие придонесуваат за зголемување на земјоделското производство, за развојот на руралните средини и за популаризација на туризмот, изјави министерот за земјоделство,шумарство и водостопанство Љупчо Димовски на манифестација „Ден на празот“.Оваа манифестација која што ја организира локалната самоуправа на општина Василево во селото Градашорци,а која се одржува по трет пат и годинава ги собра производителите, трговците и консументите на праз, претставува своевидна промоција на поднебјето како место во кое се произведува оваа земјоделска култура, со посебна нагласка врз употребата на овој прехранбен артикл во исхраната.

Најголема атракција за учесниците и гостите на празијадата денеска беше дегустацијата на производи од праз подготвени од локалните домаќинки на кои во знак на благодарност организаторот им подели скромни подароци, а по тој повод се одржа и пригодна културна уметничка програма.

Република Македонија ги следи современите светски текови во земјоделското производство. Радува фактот дека и органското земјоделство сега е важен, перспективен дел на одржливото производство, еколошки систем за управување, вградувајќи меѓународно поставени стандарди и принципи за рационално користење на природните ресурси. Ваквиот начин на производство меѓудругото обезбедува и заштита на биодиверзитетот, здравјето за сите живи организми, водејќи сметка за унапредувањето на здравјето на сегашните и идните генерации.Од година во година, во светски рамки, побарувачката на органски производи расте. Затоа, нашава земја, чекорејќи го патот кон Европската Унија го поддржува неговиот развој. Законската и позаконската регулатива од оваа област постојаното се надградува и усогласува со европската-рече министерот Љупчо Димовски по повод манифестацијата ,,Ден на органското производство,,

Интензивирање на соработката во земјоделството и руралниот развој,  во  производството и преработката на овошје и зеленчук и во секторот Шумарство. Ова бешe договорено на денешната средба на министерот за земјоделство, шумарство и водостопанство Љупчо Димовски со  претставниците на  бугарското Министерство за земјоделство и храна . Како што беше истакнато на средбата, полињата на соработка и во делот на аграраот се големи, бидејќи голема е и поврзаноста меѓу двете земји на економско , културно и на институционално ниво.

-Интензивно работиме на исполнувањето на условите кои од нас ги бара Европската Унија. Од почетокот на 2011 година, според насоките од ЕУ,  почнува со работа новата Агенција за храна и ветерина, која треба да обезбеди интегрирано  управување и контрола во делот на производството на храна. Оттаму, на патот кон Европската Унија драгоцена ќе ни биде и помошта и соработката и од Република Бугарија, која е веке членка на ЕУ – истакна министерот Димовски.

Министерот за земјоделство,шумарство и водостопанство Љупчо Димовски и неговиот колега од Словенија Дејан Жидан заедно со членовите на делегациите од министерствата за земјоделства од Албанија,Бугарија,Србија,Босна и Херцеговина и од Турција во рамките на саеската манифестација ,,АГРОФУД 2010,, на синболичен начин се приклучија кон обележувањето на граѓанската иницијатива ,,Ден на дрвото,,.

Во паркот пред управата на скопскиот саем делегациите посадија по една садница која ќе го симболизира нивното учество на саемот и на меѓународната министерска конференција„Имплементација на ЦЕФТА - слободно движење и пречки во трговијата со земјоделски производи“ .

Министер за земјоделство, шумарство и водостопанство Љупчо Димовски, денеска учествуваше и на министерската конференција на тема „Имплементација на ЦЕФТА - слободно движење и пречки во трговијата со земјоделски производи“

Министерот Димовски на обраќањето на конференција ја истакна  стратешката позиција и перспектива на Република Македонија кон интеграција во меѓународните организации, а пред сè, нашата стратешка определба да станеме рамноправна членка на Европската унија и НАТО.