Соопштенија

Македонската Државна фитосанитарна лабораторија (ДФЛ) прва во Југоисточна Европа доби акредитација за дијагностицирање два карантински растителни вируси согласно европските стандарди.

Како што беше речено на денешната промоција, лабораторијата ги сертифицираше и методите за анализа на активните материи во производите за заштита на растенијата.

Методите се нова алатка на домашниот фитосанитарен систем за подобра заштита на населението и зголемена безбедност на храната. Воедно на ДФЛ и овозможуваат да стане компаративна и конкурентна со фитосанитарните лаборатории во ЕУ.

Акредитацијата ќе значи поголема контрола на квалитетот на производите за заштита на растенија при увоз, во земјоделските аптеки и на самото место на апликација.

Министерството за земјоделство, шумарство и водостопанство ги извстува откупувачите и увозниците на земјоделски производи дека во Службен весник на Република Македонија бр.40 од 15 март 2013 година, стапи на сила измената на Правилниците за откуп и увоз на земјоделски производи, за видот на податоците за планирани и откупени количини и за образецот на барањето за упис во Регистарот на откупувачи и Регистарот на увозници на одделни земјоделски производи и потребната придружна документација, според кои се смени условот за вработени лица за откупувачи со две вработени лица, а за увозници со четири вработени лица, образецот барање за упис во регистар на откупувачи и увозници на земјоделски производи, како и Пријавата за планирани и откупени количини на земјоделски производи

Министерството за Земјоделство шумарство и водостопанство ја извeстува јавноста дека моменталната поддршка за литар предадено млеко изнесува 3,5 денари.

За наредната година предвидено е скалесто субвенционирање и цената за литар прва класа ке биде 4,5 ден по литар за втора 3,5 ден.

Министерството за земјоделство, шумарство и водостопанство во наредниот период посебно внимание ќе посвети на преработувачкиот сектор, кој треба да биде катализатор на кооперативното здружување и главен фактор во прибирање на пазарните вишоци од овошје и зеленчук во Македонија.

Ова беше наглсено на денешната средба во Струмица на членките на потсекторските групи за овошје и зеленчук, на која беа разгледани тековните програми за поддршка, а на која учествуваше и министерот за земјоделство, шумарство и водостопанство,  Љупчо Димовски.

Министерот Димовски истакна дека овие средби со подсекторските групи добра можност за директна комуникација на производителите и преработувачите, како важна алка во синџирот на македонскиот аграр. Инаку, средбата се одржа во организација на Министерството за земјоделство, шумарство и водостопанство, АгБиз програмата на УСАИД и ЦеПро САРД.

Богата, многу квалитетна реколта грозје и исклучителено успешен пласман на домашното вино очекува годинава министерот за земјоделство, шумарство и водостопанство Љупчо Димовски.

Димовски, кој денеска присуствуваше на традиционалното закројување лозови насади по повод празникот Св. Трифун во селото Курија, Неготинско, напомена дека повеќе од евидентно зголемениот квалитет на грозјето во изминативе години драстично се одрази врз пласманот на виното и неговото позиционирање на странските пазари.

- Како потврда дека и оваа година ќе биде навистина успешна зборува податокот според кој целата извозна квота од Македонија за ЕУ е исполнета уште на 4 февруари, истакна министерот.