Во следните 10 дена се воведува  целосна забрана за движење во шумите и шумските појаси на целата територија на Република Македонија, освен за вработените во претпријатијата кои вршат сеча.

Како што соопшти министерот за земјоделство, шумарство и водостопанство Љупчо Димовски на денешната прес-конференција, забраната ќе трае до 3 септември од 17 часот попладне до 7 часот наутро.

Целта е превенирање од пожари зашто можноста од нивна евентуална појава деновиве е зголемена поради топлотниот бран што ја зафати земјава.

- Според прогнозите на Управата за хидрометеоролошки работи во наредните неколку дена се очекуваат високи температури, јужен ветер, ниска релативна влажност на воздухот без услови за дожд што е поволно за ширење на пожарите. Освен мерките за превенција што ги донесе Владата на синоќешната седница уште еднаш апелираме до земјоделците да не ги палат стрништата, истакна Димовски.

Поради топлотниот бран што ја зафати нашава земја се зголемува опасноста од појава на шумски пожари. Според прогнозата од Управата за хидрометеоролошки работи во наредните неколку денови се очекуваат високи температури, јужен ветер, ниска релативна воздушна влажност, без услови за дожд што е погодно за појава и за ширење на пожари.

Оперативното координативно тело за заштита на шумите од пожари со кое раководи министерот за земјоделство,шумарство и водостопанство Љупчо Димовски на синоќешниот состанок донесе неколку заклучоци со кои ќе се подигне степенот на мобилност на екипите за  заштита од пожари во речиси сите регион во земјава.Истовремено координативното тело апелира до земјоделците да не ги палат стрништата бидејќи тоа е забрането со закон. Казната за палење на стрништа, плевели и други растителни отпадоци се движи од 6 до 8 илјади евра за правни лица и од 1,5 до 3 илјади евра за физички лица. Освен казната, сторителот ќе треба да ја надомести и штетата.

Неосновани се тврдењата на прес-конференција на Федерацијата на независни синдикати на земјоделци и сточари. Наместо бројки и факти вчера беа изнесени само паушални тврдења за состојбата во македонското земјоделство. Земјоделците не се уништуваат како што тврди синдикатот туку и годинава како и лани статистички бележат раст и развој на производството и неколкукратно зголемување на извозот.

Синдикатот бара интервенција од Владата, во делот на производството на пченица, мерка која беше донесена уште на втората седница на новиот владин состав, а за која, не знаеме од кои причини синдикатот и покрај медиумската кампања не е информиран.

Министерот за земјоделство,шумарство и водостопанство Љупчo Димовски од денеска е во дводневна посета на Словенија, по повод отворањето на Агра - 49 Меѓународен саем за земјоделство и храна во Горна Радгона, Словенија.

Министерот Димовски во текот на денешниот ден ќе одржи билатерална средба со својот словенечки колега министер за земјоделство,шумарство и храна Дејан Жидан.

Теми на билатералната средба ќе бидат,текот на реализацијата на билатералните договори во земјоделството,предлози за идната година како и за ажурирање на податоците на словенечки компании заинересирани за вложување во откупно-дистрибутивни центри за овошје и зеленчук во Македонија.

Врз основа на член 9 став (3) и став (6) од Законот за земјоделство и рурален развој („Службен весник на Република Македонија“ бр. 49/10 и 53/11), министерството за земјоделство, шумарство и водостопанство ги донесе следните прописи:

-Методологија за собирање и обработка на податоците за земјоделското производство,  структурата на земјоделските стопанства и други податоци од областа на земјоделството и руралниот развој

-Правилник за видот, рокот и начинот на доставување и собирање на податоците за потребите за анализи на земјоделското производство, структурата на земјоделските стопанства и други податоци од областа на земјоделството и руралниот развој

Со овие прописи се уредува методологијата за собирање и обработката на податоците, видот на податоците како и рокот и начинот на нивното доставување за потребите на анализа на земјоделското производство, структура на земјоделски стопанства и други податоци од областа на земјоделството и руралниот развој.

Додаток за превземање: 

Методологија за собирање и обработка на податоците за земјоделско производство.pdf

Додаток за превземање: 

Правилник за видот, рокот и начинот на доставување и собирање на податоците.pdf