Дефинирање на идните насоки на реформите во земјоделството и руралниот развој во Југоисточна Европа, продолжување на реформските процеси за зачленување во Европската унија и интензивирање на започнатата регионална соработка на полето на земјоделството и руралниот развој. Ова се дел од заклучоците кои денеска ги донесоа учесниците на Петтиот годишен состанок на министрите за земјоделство  од Југоисточна Европа, кој се одржа во винарската визба ,,Стоби,, во Градско. Учесниците на годинашниот состанок се договорија и за интензивирање на размената на искуства и обезбедувањето помош во процесот на приближување кон Европската унија во земјоделството и руралниот развој и тоа на земјите кандидати и на потенцијалните кандидатки на членство во Унијата.

Покренување на иницијатива за склучување  на билатерални договори за соработка меѓу министерствата за земјоделство од регионот,  интензивирање на соработката на полето на интегративните процеси, во прв ред преку пренесување на позитивните искуства од страна на земјите членки на Европската унија. Ова денеска го договори министерот за земјоделство,шумарство и водостопанство Љупчо Димовски со претставцниците на министерствата за земјоделство на Унгарија, Полска и Германија на билатералните состаноци кои се одржаа во Министерството за земјоделство,шумарство и водостопанство,  во рамки на Годишниот состанок на министрите за земјоделство, членки на Постојаната работна група за регионален рурален развој.

Министерството за земјоделство, шумарство и водостопанство како што соопштивме и во текот на вчерашниот ден, по службена должност ќе ги достави потврдите за платени надоместоци за сите земјоделци кои аплицирале за Програмата за рурален развој  за оваа година, вклучително и за оние кои по пошта веќе добиле потври за платени надоместоци за користење на државна земја и за механизација од Јапонската помош. На ваков начин  Министерството за земјоделство им излезе во пресрет на барањата на сите земјоделци, односно и на оние кои апликациите за Програмата ги доставиле во почетокот од објавувањето на јавниот повик, а кои аплицирале  непосредно пред поедноставувањето на процедурите за аплицирање.

 Со  ваквото поедноставување на процедурите, Министреството како и досега покажа дека има  слух за потребите и барањата на сите земјоделсци во Република Македонија.

Министерството за земјоделство,шумарство и водостопанство по службена должност до Агенциајта за финансиска поддршка на земјоделството и руралниот развој ќе ги доставува потврдите за платен надоместок за користење на државна земја и за механизација од  јапонската помош. За ова се информирани сите подрачни единици на Министерството за земјоделство, шумарство и водостопанство уште во почетокот на минатата недела со што е дадена можност на сите заинтересирани земјоделци да аплицираат за годинешната Програма за рурален развој.

Инаку, во интерес на навремено реализирање на пртограмата за поддршка на руралниот развој, Министерството за земјоделство,шумарство и водостопанство ги следи потребите и барањата на земјоделците. Токму затоа годинава фокусот за трошење на финансиската средства од оваа програма е ставен на мерките за модерницазија на земјоделските стопанства, вклучително и за набавка на земјоделска механизација како и за подобрување на патната инфраструктура во руралните средини, што е од големо значе ње за земјоделците.

Со многу труд, макотрпна работа, посветеност и решителност, преку преземање конкретни мерки и активности, покажавме дека ги спроведуваме реформите за подобрување на состојбите во земјоделството, рече денеска ресорниот министер Љупчо Димовски, давајќи отчет за сработеното во изминатите 100 дена.

На прес-конференцијата  која се одржаво министерството за земјоделство,шумарство и водостаопанство, а на која присуствуваа и заменик министерот за земјоделство Зоран Коњановски и државниот секретар на Министерството Бесир Јашари, миниатерот Димовски го изрази уверувањето дека работите  се движат во вистинаки правец  и дека ветеното се остварува и тоа со со оправдување на довербата од земјоделците и граѓаните.

Освен реализирањето на планираните проекти за квалитетно, конкурентно производство, како што истакна тој, интензивно се работи и на усогласување на домашната со европската аграрна политика.