Соопштенија

Социјалдемократскиот сојуз на Македонија очигледно изненаден дека веднаш беа доставени на јавен увид сите детали од Договорот со ДПЗП Sahara Pure Eatables Corporation Limited ДООЕЛ, компанија основана од Сахара Индија Паривар, за долгогодишен закуп на земјоделско земјиште во државна сопственост, сега бара контроверзии таму каде што не може да ги најде.

Транспарентноста на Министерството е секако доказ дека во овој случај, како и во другите активности кои ги спроведува согласно своите надлежности, нема што да крие, напротив.

Договорот е склучен согласно постапките уредени со одредбите од Законот за земјоделско земјиште, додека обврските кои ги има превземено инвеститорот, сведоци сме дека во текот на овие денови започнуваат да се спроведуваат согласно предвидената динамика.

Како и секој друг земјоделски производител во Република Македонија  кој ќе ги исполни условите пропишани со годишните програми, ова земјоделско стопанство може да биде корисник на финансиска поддршка за земјоделството.

Врз основа на член 30 од Законот за земјоделско земјиште (“Службен весник на Република Македонија” бр.135/07, 18/11, 42/11. 148/11 и 95/12), а по претходно спроведена постапка согласно член 21 по јавен Оглас бр.09/12 од 09.12.2012 година се склучува

Д О Г О В О Р

за закуп на земјоделско земјиште

Додаток за превземање: 

Dogovor.pdf

Министерот за земјоделство, шумарство и водостопанство, Љупчо Димовски и министерот за надворешна и внатрешна трговија на Република Србија, Расим Лајиќ, денеска во Скопје оддржаа билатерален состанок на кој го потврдија заедничкиот интерес за понатамошно продолжување на позитивниот тренд на солидна трговска соработка со земјоделски производи помеѓу двете земји.

Во таа насока министрите се договорија за воздржување од воведување на дополнителни мерки кои би ја оневозможиле непречената трговска размена со земјоделските производи. На состанокот беа разменети информации и аргументи во врска со веќе воведените мерки на заштита на македонскиот пазар со пченица и брашно. Македонската страна изрази подготвеност за евентуална измена на времената мерка за условен увоз на пченица и брашно после надминување на нарушувањето на пазарот. Заради следење на состојбите на пазарот беше договорено да се одржуваат редовни консулатации помеѓу двете страни на неделно ниво.

Жално е што партија која има амбиции нешто да значи на македонската политичка сцена не може да разбере зошто не само постоечката, туку и било која македонската влада треба да интервенира во случаји на зголемен увоз и нарушување на пазарот, за да го заштити производството и откупот на стратешкиот земјоделски производ во Република Македонија – пченицата.

Пченицата е основниот прехрамбен производ за граѓаните на Република Македонија и најзастапената поледелска култура. И покрај тоа што производството на пченица генерално е помалку конкурентно во однос на регионалните економии, ниедна македонска влада несмее да си го дозволи луксузот во името на либераланата економија како што сугерира Либерлната партија, домашното производство на пченица целосно да го замени со узвоз. Ова пред се поради безбедноста на обезбедување на храна за населението како основна цел на земјоделската, и генерално економската политика на една држава.

Мелничарите и производителите на пченица, денеска, на средба во Свети Николе, на која присуствуваше и министерот Љупчо Димовски ја договорија откупната цена за годинашната пченица. До 76 хл тежина, цената ќе биде 13 денари, од 76 до 78 хл тежина цената ќе изнесува 14 денари и над 78 хл тежина цената ќе изнесува 15 денари.

Двете страни, како што соопштија по состанокот, се задоволни од договореното.

Согласно разговорите, преработувачите треба на видно место да ја објават конечната цена по која ќе го откупуваат лебното жито.

Ова е шеста средба на мелничарите и земјоделците. Минатата недела се одржа средба во министерството за земјоделство на која министерот Димовски препорача просечната цена на пченицата да биде 14 денари.