Министерот за земјоделство, шумарство и водостопанство, Љупчо Димовски, денеска по втор пат се сретна со делегација на турските компании „Атешоглу” и „Алутек“ предводени од г. Мустафа Атешоглу и г. Ерол Акмерт. Првата средба се одржа во Истанбул за време на посетата на Турција на високи владини претставници од Р. Македонија.

На средбата се разговараше за можностите за нивни инвестиции во Р. Македонија во областа на аграрот.

Директорот на „Алутек“, г. Ерол Акмерт, му се заблагодари на министерот Димовски за целокупната поддршка што ја добиле од државните институции.Тој рече дека во изминатите неколку дена оствариле средби со повеќе претставници од Владата на Р. Македонија и изрази огромно задоволство од можностите што нивните компании ги имаат за инвестиции во Македонија. Тој истакна дека имаат три проекти за инвестирање во земјоделството и тоа:

- инвестиции во одгледување на црна цреша во Р.Македонија

- инвестиции во одгледување на крупен добиток и

- производство на млеко и млеко во прав.

Министерот за земјоделство, шумарство и водостопанство, Љупчо Димовски, денска се сретна со  амбасадорот на Израел за Македонија, БиХ и Албанија НЕ Давид Коен. На средбата стана збор за соработката помеѓу двете земји во областа на земјоделството со Со цел формализирање на веќе добро поставените билатерални односи помеѓу Р.Македонија и Израел, доставен е нацрт-текст од израелска страна за соработка во областа на земјоделството. По усогласување со надлежните институции и усвојување од Владата на Р.Македонија истиот се очекува да биде потпишан во месец Мај за време на посетата на министерот Димовски на Израел која е во рамки на Меѓународниот саемза земјоделство Агритек 2012.

Министреството за земјоделство, шумарство и водостопанство денеска објави јавен конкурс за давање на концесија за вршење стопански риболов на рибите од риболовните подрачја Охридско и Преспанско Езеро, за риболовните зони на Дојранското Езеро и на вештачкото езеро - акумулација Шпилје. Согласно одредбите на Законот за рибарство и аквакултура концецијата се дава за период од шест години. Рокот за доставување на понудите изнесува 52 дена од денот на објавување, вклучително и денот на објавување на истите.

Право на учество на конкурсите имаат домашни и странски правни лица кои  се регистрирани за вршење на дејност рибарство, кои имаат вработено најмалку едно лице со високо образование од областа на природните науки (рибарство) или склучен договор за соработка со научна или образовна установа од областа на рибарството. Заинтересираните треба да располагаат и со минимум опрема потребна за вршење риболов утврдена во риболовната основа.

Додаток за превземање: 

ЈКСР Дојранско езеро.pdf

Додаток за превземање: 

ЈКСР Охридско езеро.pdf

Додаток за превземање: 

ЈКСР Преспанско езеро.pdf

Додаток за превземање: 

ЈКСР Шпиље.pdf

Доколку некој е потребно да зборува за земјоделството секако дека токму СДСМ за тоа има најмалку право.

Токму партијата која потценувачки и крајно понужувачки се однесуваше и се однесува кон поголема категорија на населението, односно кон земјоделците во Република Македонија, денес преку нејзиниот Агро совет, на лицемерен начин и со леснотија изрекува квалификации за земјоделскиот сектор, дели лекции и дава совети и препораки за земјоделската политика.

Ги потсетуваме дека за заложбите кон приближувањето кон ЕУ сами за себе говорат макотрпните реформи кои го овозможија правото на користење на европските финансиски средства.

Врз основа на член 25-б од Законот за земјоделско земјиште (“Службен весник на Република Македонија” бр. 135/07, 18/11 и 148/11) по Одлуката бр.22-2547/1 од 08.03.2012 година Министерот за земјоделство, шумарство и водостопанство, објавува

Ј а в е н П О В И К    бр. 01/12

за доставување на понуди за давање во закуп

на земјоделското земјиште во државна сопственост до 10 хектари

I.  ПРЕДМЕТ НА јавниот ПОВИК

Се објавува јавен повик за доставување на понуди за давање во закуп на земјоделското земјиште во државна сопственост за подигнати долгогодишни насади за времетраење од 30 (триесет) години за следните катастарски општини: