Соопштенија

Фактот што единствениот дежурно-„компетентен“ во СДСМ за состојбите во македонското земјоделство е пратеникот Ленче Николовска која воопшто не е член на оваа партија, и истата е со минато од политичката школа на фабрикување факти и даночни податоци од една исто толку „компетенетна и славна“ телевизиска куќа, самото по себе говори за капацитетот и на СДСМ, и давателот на услугите, во случајов посочената пратеничка.

Откупот на пченицата е при крај и тоа е така бидејќи податоците покажуваат дека во државата е веќе откупена најголемата количина на овогодишно произведство од овој стратешки прехрамбен производ - лебното жито. За разлика од исценираните кадри, министерството своите изјави ги темели на прецизните податоци од Државниот инспекторат за земјоделство кој секој ден ги собира податоците директно од самиот терен, и е во постојан контакт и со самите земјоделци и регистрираните окупувачи.

Интензивирање на економската соработка преку почеста комуникација меѓу бизнис-заедниците и поедноставување на царинските постапки во делот на фито-санитарната политика, ќе бидат клучните заложби на министерот за земјоделство, шумарство и водостопанство Љупчо Димовски и босанскиот министер за надворешна трговија и економски односи Мирко Шаровиќ.

Димовски и Шаровиќ на денешната средба во Скопје констатираа дека постои огромен простор за зголемување на трговската размена меѓу двете земји чиј годишен обем засега е 150 милиони евра.

Во насока на објективно информирање на македонската јавност а во контекст на информациите кои изминативе денови се пласираат од одредени медиуми, во врска со состојбите поврзани со откупот на домашната пченица од овогодишната реколта Министерството за земјоделство, шумарство и водостопанство Ве информира дека како надлежна институција будно ги следиме активностите поврзани со откупот на домашната пченица и ги спроведуваме сите активности поврзани со процесот на  забрзување на динамиката на откуп.

Во рамки на подготвителните активности за претстојната откупна сезона на винското грозје, денес, во просториите на Министерството за земјоделство, шумарство и водостопанство се одржа работен состанок со претставницитe на здруженијата на лозаропроизводителите од Република Македонија.

На средбата беа опфатени повеќе теми поврзани со позитивните ефекти од досегашното субвенционирање за производството на грозје, моменталната состојба на насадите, очекуваниот род од годинешната берба, квалитетот на винското грозје, состојбите со бербата на трпезното грозје, информации за квалитетот на грозјето и содржината на шеќерни единици, како и темите поврзани со отпочнување на бербата на винското грозје и организираноста во пресрет на отпочнување на откупната сезона.

Во насока на подготвителни активности за претстојната откупна сезона на винското грозје, денес, во просториите на Министерството за земјоделство, шумарство и водостопанство се оддржа редовен работен состанок со претставницитe на винарскиот сектор.