Соопштенија

Серијалот настапи во делот на земјоделството на СДСМ продолжува со општа констатација за целосна неинформираност на „стручните и загрижени“ за земјоделството.

Покрај тоа што ја измешаа производната земјоделска година со подготвувањето зимница денес покажаа непознавање на законските решенија кои токму нивните пратеници ги подржаа.

Ги прашуваме „стручните и загрижени“ во СДСМ со што го темелат барањето за  стопирање на продажбата на државното земјоделско земјиште?

Каде воопшто видоа дека Владата има намера без согласност на самите земјоделци да го даде на продажба државното земјоделско земјиште?

Дали „стручните и загрижени“ во СДСМ, покрај следењето на вестите на веб страната на Министерството, понекогаш читаат дневни весници, каде што во три, исто така беше објавен Јавниот повик за доставување на иницијативи за продажба на земјоделско земјоделско земјиште дадено под закуп?

Министерството за земјоделство, шумарство и водостопанство ги известува сите правни и физички лица кои што ставаат брашно во промет дека од 01.10.2013 година, започна примена на Правилникот за формата и содржината на барањето за издавање на контролната марка, формата и содржината на контролната марка, начинот на нејзиното издавање, формата, содржината и начинот на водењето на евиденцијата за издадени и искористени контролни марки за означување на брашното кое се става во промет и  Правилник за дополнување на Правилникот за формата и содржината на барањето за издавање на контролната марка, начинот на нејзиното издавање, формата и содржината и начинот на водењето на евиденцијата за издадени контролни марки за означување на брашното кое се става во промет.

Ниту земјоделците се излажани, нуту Владата ги има оставено настрана, како што денес тоа го тврди СДСМ.

Партијата која производната земјоделска година ја сведува со “периодот за подготвување на зимница“ денес излзе со отварање на сериозна тема за која, благо речено е неупатена, а уште повеќе искрена.

Ниту пак наведените проценти се точни, уште помалку начинот на откуп и вкупно откупените количини пченица оваа година, до сега.

Уште помалку податоците за откупената количина во изминатите години. Тие воопшто ги немаат земено во предвид. А ниту им се познати.

Навистина е жално што и овој пат се потврдува дека „загрижените и стручни“ во СДСМ не соработуваат со производителите на пченица и овластените, односно регистрирани откупувачи на пченица за да ги добијат изворните информации за количината пченица од овогодишната реколта и вкупно откупената количина до сега.

СДСМ повторно се обрати до јавноста со свое видување за земјоделството и аграрните политики на само нему својствен и несериозен начин, со пресек „кога домаќинките почнуваат да спремаат зимница“?!

Само малку подобро упатените знаат дека земјоделската година не може да се пресметува со овој период, уште помалку да се направи осврт за успешноста. Во СДСМ би требало да им е познато дека до крајот на годината следат уште активности за таа да се затвори.

Но, како што СДСМ во последно време започна со практикување, подобро кажано копирање, на партиското дејствување налик на партиите од власта и на Владата, за жал денес повторно ја покажа својата неинвентивност и неукост, правејќи го тоа и во земјоделската политика.

Конечно, добро е што СДСМ за прв пат јавно излегува со најавување, но само со најавување, на своја политика во „земјоделието“, како што тие граматички неуко го нарекуваат земјоделството.

Министерот за земјоделство, шумарство и водостопанство  Љупчо Димовски денес во Дојран ги отвори „Дојранските спортски ракувања 2013“ и пливачкиот маратон кој веќе по вторпат традиционално се организира во Дојран.

Според министерот, особено радува фактот што се гледа дека повеќегодишното успешно полнење на водите на Дојранското Езеро jа подигна свеста и односот кон езерото, кое од своја страна ни овозможува организирање и на спортски манифестации кои во јавноста дополнително ќе го популаризираат Дојран, но и ќе го зголемат интересот за Дојранското Езеро.

- Со враќањето на водата во езерото се овозможи да се дадат на концесија рибите од риболовната вода Дојранско Езеро за вршење стопански и оранизирање рекреативен риболов истакна министерот Димовски.