Соопштенија

Министерството за земјоделство, шумарство и водостопанство ги известува сите производители на вино запишани во Регистарот на производители на вино, дека е подобрена постапката по барањата за издавање на Решение за ставање на вино во промет.

Со подобрувањата на постапка за поднесување на барањето за издавање на Решение за ставање на виното во промет, во иднина сите производители на вино ќе можат да ги поднесуваат барањата во подрачната единица на Министерството за земјоделство, шумарство и водостопанство во која се наоѓа седиштето и/или производниот капацитет на производителот на вино.

Покрај ова, со подобрувањето на постапката рокот за издавање на решението за ставање на вино во промет се скратува од максимални 30 дена на максимални 10 дена.

На денешниот прес на СДСМ, за поздравување е признанието на СДСМ дека не ја следат состојбата во земјоделството, туку баш од денес ќе почнеле и тоа со жестоко темпо.

Денеска очекувано СДСМ пак си ги повтори памфлет-политиките за развој на земјоделството, но овојпат изгореа во пуста желба за агро-анализи и ветуваат намалени инвестиции во системите за наводнување на 10 милиони евра годишно, а Владата веќе одделува најмалку 18 милиони евра годишно, се ветува намалена поддршка за инвестиции во бунари во износ од 30% покривање на трошоци за дупчење на бунари, а Владата веќе доделува 100% поврат од вложените средства за оваа намена. Бројките од „анализите“ на СДСМ очигледно денес потфрлиле и кај агро-анализата за „двојно“ зголемување на субвенциите па така од  денеска на наше огромно разочарување ветувањето на СДСМ за зголемување на субвенциите не е  веќе дел од нивните памфлет-политики.

Следејќи ги таканаречените успешни теренски посети на водечката четворка на СДСМ може да се констатира дека конечно на виделина излезе на кој начин СДСМ „двојно“ ќе ги зголемува субвенциите за земјоделците – секако на нив својствен начин со кратење од најранливите категории на мали земјоделски стопанства.

Всушност, СДСМ двојно ќе ги зголеми субвенциите на сметка на намалување на исплатите на малите фарми.

Еве како СДСМ ќе исплаќа „двојни субвенции“:

Македонското земјоделство се карактеризира со 90% мали земјоделски стопанства чиј просечен принос на пченица изнесува едвај 2 тони по хектар. Поставувајќи ја границата на принос за поголеми субвенции над 3 тони по хектар значи дека можеби само 10% од земјоделските стопанства ќе ја користат оваа „ветена придобивка“.

Останатите, според СДСМ, доколку сакаат поголеми субвенции едноставно нека си копаат бунари!

Се врши исправка во ЈАВНИТЕ ПОВИЦИ  до 10ха и над 10ха, за доставување на понуди за давање во закуп на земјоделско земјиште во државна сопственост  објавени во дневните весници Вечер, Нова Македонија и Коха на ден 15.11.2013

Во Јавниот повик

за доставување на понуди за давање во закуп на земјоделско земјиште во државна сопственост до 10 ха

Во ставот 2 точката се брише, се става запирка и се додаваат зборовите „но за земјиште на кое е подигнат долгогодишен насад со старост најмалку од 3 години“.

Во ставот 3  во алинеа 2, зборовите „и оранжерии“ се бришат, исто така се бришат и алинеа 3, алинеа 4 и алинеите 5 и 6.

Овие измени се однесуваат за Jавниот повик бр. 01/13; 02/13; 03/13; 04/13; 05/013 и 06/13

Останатите одредби од Јавниот повик остануваат исти.

Во Јавниот повик бр 06/13

за доставување на понуди за давање во закуп на земјоделско земјиште во државна сопственост до 10 ха

Во интерес на вистината сакаме да ја информираме јавноста дека компанијата Еко Оранжерии Анска Река не ја говори вистината.

Еко Оранжерии Анска Река се обидува да ја манипулира јавноста мислејки дека така ќе се затскрие нивната одговорност и вина. Документот што  е лиферуван денеска во јавноста не се однесува на затруените краставици во кои е лоциран пестицид, што впрочем и инспекциските служби во Хрватска го утврдија како непобитен факт. Тоа се однесува на друга контрола на краставици, произведени од нив и кои моментално се наоѓале во оранжеријата, а не на оние кои веќе биле извезени во Република Хрватска и за кои воопшто не е побарано сертификат за квалитет на производи ниту од Државниот инспекторат за земјоделство, ниту од Агенцијата за храна и ветеринарство.

Сето ова претставува потврда на нивното непрофесионално и неодговорно работење, но и несериозен однос кон јаноста и потрошувачите.