Фактот што единствениот дежурно-„компетентен“ во СДСМ за состојбите во македонското земјоделство е пратеникот Ленче Николовска која воопшто не е член на оваа партија, и истата е со минато од политичката школа на фабрикување факти и даночни податоци од една исто толку „компетенетна и славна“ телевизиска куќа, самото по себе говори за капацитетот и на СДСМ, и давателот на услугите, во случајов посочената пратеничка.

Откупот на пченицата е при крај и тоа е така бидејќи податоците покажуваат дека во државата е веќе откупена најголемата количина на овогодишно произведство од овој стратешки прехрамбен производ - лебното жито. За разлика од исценираните кадри, министерството своите изјави ги темели на прецизните податоци од Државниот инспекторат за земјоделство кој секој ден ги собира податоците директно од самиот терен, и е во постојан контакт и со самите земјоделци и регистрираните окупувачи.

Интензивирање на економската соработка преку почеста комуникација меѓу бизнис-заедниците и поедноставување на царинските постапки во делот на фито-санитарната политика, ќе бидат клучните заложби на министерот за земјоделство, шумарство и водостопанство Љупчо Димовски и босанскиот министер за надворешна трговија и економски односи Мирко Шаровиќ.

Димовски и Шаровиќ на денешната средба во Скопје констатираа дека постои огромен простор за зголемување на трговската размена меѓу двете земји чиј годишен обем засега е 150 милиони евра.

Министерот за земјоделство, шумарство и водостопанство Љупчо Димовски денеска во Охрид присуствуваше на порибувањето на Охридското Езеро со подмладок од ендемичниот вид охридска пастрмка.

Во водите на езерото беа испуштени сто илјади парчиња подмладок пастрмка од годинaшниот мрест, девет месеци од оплодувањето на икрата и шест месеци старост, со просечна тежина од 2 и 2,5 грама и должина меѓу шест и осум милиметри.

- Станува збор за редовна активност согласно Законот за рибарство и аквакултура, со кои државата е задолжена за порибување на рибиловните води врз основа на риболовната основа изготвена од надлежните институции. Во тој процес на порибување од 2006 година досега езерото е порибено со околу 14 милиони единки подмладок пастрмка за што се вложени средства во износ од околу 35 милиони денари, рече министерот Димовски.

За оваа година тој појасни дека се предвидени приближно 2,1 милиони единки подмладок охридска пастрмка, активност што ќе биде заокружена до крајот на идниот месец.

Индиската компанија „Сахара Груп“ денеска со индиски и православни обичаи за бериќетна работа официјално ја започна реализацијата на проектот за реорганизација на агрокомбинатот „Џумајлија“, инвестиција вредна над 200 милиони евра.

Во следните три години планирано е „Сахара Груп“ да изгради регионален млекопреработувачки капацитет со фабрика за добиточна храна и млекарница со фарма од 20.000 грла говеда во која ќе се произведуваат 80.000 литри млеко дневно.

За еден месец ќе започне изградбата на објектите за сместување на добитокот, а за една година се очекува да биде пласирано првото млеко од оваа млекарница на македонскиот пазар.

Инвестицијата на „Сахара Груп“ ќе обезбеди вработување на околу 2.000 лица, а според надлежните со овој проект ќе се задоволат потребите на домашниот пазар со млеко и млечни производи и сточна храна.

Министерот за земјоделство, шумарство и водостопанство Љупчo Димовски денеска го посети саемот за земјоделство во Горна Радгона, Словенија. По повод отворањето на Агра - 51 Меѓународен саем за земјоделство и храна, министрите за земјоделство  кои беа присутни на саемот беа поздравени од НЕ Аленка Братушек, Претседател на Владата на Република Словенија. НЕ Аленка Братушек го отвори саемот и им посака добредојде на министрите за земјоделство и изрази надеж за продолжување на соработката во областа на земјоделството.