Министерот за земјоделство Љупчо Димовски,  денеска одржа состанок со кинеска делегација предводена од градоначалникот на градот Намчун, во провинцијата Фичуан, г. Xiang Dong и амбасадорот на Народна Република Кина во Република Македонија г.Cui Zhiwei. Провинцијата Фичуан претставува една од најразвиените провинции во делот на земјоделството, посебно во сточарството и одгледувањето на свилени буби и производство на свила, од каде всушност доаѓа и името на главниот град Нанчун ( Престолнина на свилата).

На средбата, гостите изразија голем интерес за инвестирање на кинески компании во земјоделскиот сектор. Во Македонија се дојдени за поблиску  да  се запознаат со условите за инвестирање во сточарството, во преработувачката индустрија, во делот на преработки од месо и преработка на ориз, во производството на свила, а секако го истакнаа и македонското вино кое веќе станува препознатливо на нивниот пазар. Поради добрата местоположба на Република Македонија ги разгледуваат можностите за отварање на претставништа на кинески фирми во слободните економски зони.

Министерот за земјоделство, шумарство и водостопанство  Љупчо Димовски денес во општина Кавадарци, ја посети подрачната единица на министерството за земјоделство и откупен пункт за грозје и на лице место се увери дека годинашниов гроздобер поминува без никакви проблеми.

-Од почетокот на гроздоберската сезона нема ни една пријава за проблеми при откупот на грозјето, ниту од производителите ниту, пак, од преработувачите на грозје. Се почитуваат договорените цени, истакна министерот Димовски.

- Можам да кажам дека смедеревката е многу барана годинава, се почитува договорената основна цена од 11 денари за килограм, а согласно на шеќерните единици цената оди нагоре. Иако можно е да се очекува грозјето од оваа сорта да постигнува и поголеми цени, рече министерот Димовски.

Министерот Димовски исто така рече дека редовно контактираат со производителите и со преработувачите на грозје. Тој потенцираше и дека е регистриран зголемен извоз на вино.

Министерот за земјоделство, шумарство и водостопанство Љупчo Димовски денеска го посети Саемот за свежо овошје и зеленчук – Светот на храната кој се одржува секоја година од 16-20 септември во Москва.

Саемот е поставен на вкупна површина од 56.240 м² и преставува одлична можност за воспоставување на бизнис односи помеѓу  субјектите на  двете земји.

Со поддршката на Министерството за земјоделство, шумарство и водостопанство оваа година учествуваат познати 12 компании, меѓу кои Агро-лозар, Вега Мак, Туран, Хина, Бонум, Витаминка, Кадино индустри, Коро, Агрофруктус итн. Поддршката се обезбедува за поорганизиран настап на најизвезуваните македонски земјоделски производи - квалитетното македонско вино и свежиот и преработен зеленчук и овошје на пазари на кои е недоволно промовирано македонското земјоделско производство.

Министерот Димовски го посети македонскиот штанд каде што се сретна со македонските изложувачи на саемот.

Министерот за земјоделство, шумарство и водостопанство Љупчо Димовски, заедно со амбасадорот на Република Македонија во Русија, Илија Исајловски и Директорот на Агенцијата за храна и ветерина, Дејан Рунтевски,  денеска во Русија оддржаа состанок со претставници на Долниот дом на Руската државна дума предводени од Роман Кудјаков, ополномоштен претставник на политичката партија на Либерална демократска партија на Русија за меѓународни односи, Кирил Черкасов, прв заменик на претседателот на комтетот за земјоделство и Иван Абрамов, член на комтетот за регионална политика и за прашањата поврзани со Северен и Далечен Исток.

Средбата беше во функција на унапредување на парламентарната соработка преку конкретни проекти во областа на земјоделството.

Македонските вина од пет винарии се презентираа на саемот кој од денеска 13 септември се организира во шест милионскиот Хефеи главен град на кинеската провинција Анхуи. Саемот преставува одлична можност за промоција на вината на Тиквеш, Сковин, Далвина, Дудин и Еземит на 80 милионскиот пазар на оваа кинеска провинција.

Во насока на поддршка на пласманот на македонските вина на големиот кинески пазар, како дел од осмиот Форум за трговска и економска соработка во земјоделството помеѓу Кина и земјите на централна и источна Европа, македонската страна предводена од државниот советник во Министервото за земјоделство, шумарство и водостопанство Перица Иваноски оствари повеќе корисни средби.